Вы тут

Вяртлявую чаротаўку экспартуюць у Літву


Беларускія навукоўцы аднаўляюць папуляцыю гэтай птушкі ў гістарычных месцах жыхарства

Вяртлявая чаротаўка да сярэдзіны ХХ стагоддзя знікла з тэрыторыі многіх краін Заходняй Еўропы. Гэты від занесены ў Чырвоную кнігу са статусам уразлівы. Як паведаміў старшы навуковы супрацоўнік Навукова-практычнага цэнтра НАН Беларусі па біярэсурсах Міхаіл Максіменкаў, самая вялікая папуляцыя вяртлявай чаротаўкі гняздуецца ў нашай краіне — 38 %, ва Украіне — 33 %, Польшчы — 27 %, а ў Літве ўсяго толькі 1 % ад усёй папуляцыі.


Каб аднавіць папуляцыю балотных спевакоў, распачата рэалізацыя сумеснага беларуска-літоўскага праекта «Стварэнне сеткі ключавых месцапражыванняў для забеспячэння доўгатэрміновага спрыяльнага ахоўнага статусу вяртлявай чаротаўкі ў Літве». Рабочая назва праекта — LІFE Magnі Ducftus Acrola — «Вялікае княства вяртлявай чаротаўкі».

Летась паспяхова праведзена адно з ключавых мерапрыемстваў праекта — транслакацыя вяртлявай чаротаўкі з тэрыторыі беларускага балота Званец у літоўскі біясферны рэзерват «Жувінтас». Адлоў птушак ажыццяўляўся з сярэдзіны мая да пачатку чэрвеня. Маладыя птушаняты ўтрымліваліся на тэрыторыі заказніка «Званец» да таго часу, пакуль прывыклі да жыцця ў абмежаванай прасторы. На экспарт прызначалася 50 птушанят, усе яны былі акальцаваныя. Навукоўцы атрымалі неабходныя дакументы для бесперашкоднага перасячэння дзяржаўнай граніцы з такімі незвычайнымі спадарожнікамі і перавезлі птушанят у «Жувінтас». У Літве пасля адаптацыі птушак выпусцілі ў прыроду.

Сёлета ў чэрвені будзе ажыццёўлены другі этап транслакацыі вяртлявай чаротаўкі.

Аксана ЯНОЎСКАЯ

Выбар рэдакцыі

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце. 

Эканоміка

На «ТІБО-2019» Белпошта паказала новыя тэхнічныя цікавінкі

На «ТІБО-2019» Белпошта паказала новыя тэхнічныя цікавінкі

Якія неўзабаве ўвойдуць у прафесійны побыт.

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!