Вы тут

Месца масавага пахавання людзей знойдзена ў Брэсце


Вайна не дае пра сябе забываць. Там, куды яна абрынулася 22 чэрвеня 41-га, у Брэсце, зноў знайшлі сляды невядомых ахвяр жудаснай навалы.


У самым цэнтры горада, у квадраце, абмежаваным кварталамі вуліц Савецкай, Дзяржынскага, Куйбышава і праспекта Машэрава знеслі старыя баракі і пачалі рыхтаваць пляцоўку да ўзвядзення прэміум-квартала. Паводле праекта, тут павінен быў вельмі хутка вырасці чатырохпавярховы дом са шматфункцыянальным комплексам, з пляцоўкамі для адпачынку і паркоўкамі. А калі будаўнікі сталі капаць катлаван, знайшлі чалавечыя астанкі.

На гэтым месцы ў 1941—1942 гадах знаходзілася яўрэйскае гета. Большасць яго вязняў вывезлі і забілі ва ўрочышчы Бронная Гара. Але некаторых, відавочна, расстрэльвалі і тут. Магчыма, людзі паміралі ад хвароб і нястачы. Іх хавалі побач.

На будаўнічую пляцоўку прыбылі байцы 52-га спецыялізаванага пошукавага батальё-
на. На глыбіні больш за метр пошукавікі знаходзяць рэшткі адзення і абутку, асабістыя рэчы. «Няма сумнення, што гаворка ідзе аб агульнай магіле прадстаўнікоў мірнага насельніцтва. Хоць у архівах звестак аб масавых расстрэлах менавіта ў гэтым месцы не знойдзена», — паведаміла Ала Кондак, вядучы спецыяліст аддзела культуры гарвыканкама. Але ж архівы — гэта адно, а рэальныя сведчанні-знаходкі — іншае.

Будаўніцтва часова прыпыненае. Інвестар ТАА «Прыбужскі квартал» аказвае спрыянне пошукаваму атраду.

Пакуль вядуцца раскопкі, лёс інвестпраекта вырашаецца. Магчыма, ён будзе скарэктаваны, а магчыма, скасаваны зусім, і на месцы масавага пахавання з'явіцца сквер. У гарвыканкаме пакуль не даюць адназначнага адказу на пытанне. Многае, відавочна, будзе залежаць ад таго, што і ў якой колькасці знойдуць спецыялісты на месцы раскопак.

Святлана ЯСКЕВІЧ

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.

Эканоміка

Саветы па развіцці прадпрымальніцтва сталі працаваць больш эфектыўна і вынікова

Саветы па развіцці прадпрымальніцтва сталі працаваць больш эфектыўна і вынікова

Значную ўвагу на развіццё малога і сярэдняга прадпрымальніцтва пачалі звяртаць даўно, прычым на самым высокім дзяржаўным узроўні.

Эканоміка

Ці патаннее жыллё ў наступным годзе?

Ці патаннее жыллё ў наступным годзе?

А што ў сталіцы — тое і ў рэгіёнах.

Спорт

Спартыўны псіхолаг Кацярына Буча распавядае, ці лёгка вырасціць чэмпіёна

Спартыўны псіхолаг Кацярына Буча распавядае, ці лёгка вырасціць чэмпіёна

Як правільна вызначыць від спорту, які падыходзіць для вашага дзіцяці, ці варта ўвогуле прымушаць яго хадзіць на трэніроўкі?