Вы тут

Маніторынг школьных «сталовак» выявіў парушэнні нормаў, завышэнне цэн


Міністр адукацыі Ігар Карпенка на калегіі міністэрства агучыў вынікі маніторынгу харчавання ва ўстановах адукацыі, які праводзіўся ў 2018 годзе. Сярод выяўленых недахопаў — парушэнні санітарных нормаў, завышаныя цэны, недаважкі.

Маніторынг закрануў 118 устаноў адукацыі розных відаў. «Выяўлены шэраг парушэнняў: адсутнасць кантролю за арганізацыяй харчавання з боку кіраўнікоў устаноў адукацыі, парушэнні санітарна-гігіенічных нормаў, адсутнасць альбо няякаснае вядзенне адпаведнай дакументацыі, завышэнне цэн на прадукцыю, якая пастаўляецца, і гатовыя стравы, недаважкі, недаўкладанні і іншае», — праінфармаваў міністр.

Ігар Карпенка адзначыў, што парушэнні дапускаліся, нягледзячы на тое, што былі распрацаваны пакрокавыя рэкамендацыі па арганізацыі харчавання. Да дысцыплінарнай адказнасці прыцягнуты 1 633 работнікі, з іх 339 — кіраўнікі, звольненыя 22 чалавекі.

Вывучаецца пытанне адносін бацькоў і навучэнцаў да арганізацыі школьнага харчавання. Вынікі апытання неадназначныя: 57,7 % школьнікаў і 61,2 % бацькоў адзначылі, што якасць іх задавальняе, незадаволеныя — 39 % і 24,2 % адпаведна. «Даследаванне пацвярджае, што на месцах недапрацоўваюць у арганізацыі харчавання, перш за ўсё кіраўнікі ўстаноў адукацыі», — канстатаваў міністр.

Намеснік прэм'ер-міністра Ігар Петрышэнка падкрэсліў, што пытанні арганізацыі харчавання застаюцца на кантролі ўрада. Ён канстатаваў, што эфектыўная сістэма кантролю ў гэтай сферы пакуль што не створана. Таму даручыў Міністэрству адукацыі сумесна з Міністэрствам аховы здароўя і МАРГ у першым паўгоддзі правесці маніторынг выканання даручэнняў урада па якасці школьнага харчавання і падаць свае прапановы, у тым ліку з ацэнкай работы кадраў.

Паводле БелТА

Загаловак у газеце: Смачна есці?

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.