Вы тут

Песню бярыце з сабою. Белымі пялёсткамі


Сяргей Дарожны (25.02.1909—19.07.1943) — вядомы беларускі паэт, перакладчык, грамадскі і культурны дзеяч. Сёлета дваццаць пятага лютага спаўняецца 110 гадоў з дня нараджэння творцы.

С. Дарожны пражыў пакутлівае, гаротнае жыццё. Падчас Першай сусветнай вайны яго сям'я была ў бежанстве ў Варонежы. З дванаццаці гадоў выхоўваўся ў Мазырскім дзіцячым доме, бо застаўся без бацькі. Скончыў літаратурна-лінгвістычнае аддзяленне педагагічнага факультэта БДУ. З 1934 года быў членам Саюза пісьменнікаў БССР. Працаваў у рэдакцыях рэспубліканскіх газет і часопісаў, потым на радыё, адкуль быў звольнены па палітычных матывах. У 1936 годзе асуджаны на восем гадоў пазбаўлення волі і накіраваны на будаўнічыя работы на Далёкі Усход, дзе і загінуў у Ніжне-Амурскім лагеры. Рэабілітаваны ў 1957-м.

Аўтар кніг лірычных вершаў «Васільковы россып», «Пракосы на памяць», зборніка «Звон вясны» (сумесна са Змітраком Бядулем).


Вершы — Сяргей Дарожны, музыка — Яўген Ксяневіч.

Куплет 1:

Белымі пялёсткамі параслі нізіны,

Белымі снягамі серабрыцца гаць.

Белая маўклівасць села на каліны,

Села берагамі зацвітаць.

Прыпеў:

За акном каліны, за акном таполі

І зара над гаем з зараніц.

А цяпер каліны хіляцца у полі

З белымі снягамі ніц.

Куплет 2:

Пасінела неба раніцой над гаем,

Пасінела рана — пасінела скрозь.

А сягоння любая у мяне другая,

Ў залатым убранні, ля бяроз.

Прыпеў:

Куплет 3 як 1 (у танальнасці на 0,5 тону вышэйшай):

Белымі пялёсткамі параслі нізіны,

Белымі снягамі серабрыцца гаць.

Белая маўклівасць села на каліны,

Села берагамі зацвітаць.

Рубрыку вядзе Яўген Ксяневіч

evgenyksenevіch@gmaіl.com

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.