Сярэдні ўзрост работнікаў - 36 гадоў

Сведчыць даклад кітайскага навуковага цэнтра.

Даклад аб чалавечым капітале ў КНР у 2018 годзе апублікаваны Кітайскім цэнтрам чалавечага капіталу і даследаванняў рынку працы пры Цэнтральным універсітэце фінансаў і эканомікі, перадае “Жэньмінь жыбаа” анлайн”. 

Дадзеныя сведчаць, што сярэдні ўзрост працаздольнага насельніцтва, у тым ліку студэнтаў, дасягнуў 35,9 гадоў.  І самы высокі сярэдні ўзрост працаздольнага насельніцтва адзначаецца ў такіх правінцыях, як Хэйлунцзян, Ляанін, Чунцын, Цзілінь і Унутраная Манголія.

 У дакладзе адзначаецца, што ў прамежку 1985-2016 гг.  кітайскі чалавечы капітал вырас у 9,36 раза, у 2016 годзе чалавечы капітал складаў 1675 трлн юаней, а сярэдні ўзрост працаздольнага насельніцтва павялічыўся з 31,7 да 35,9 гадоў. Як крыніца тэхналагічных інавацый і эканамічнага развіцця, чалавечы капітал надае імпульс устойліваму сацыяльна-эканамічнаму развіццю і гарантуе скарачэнне беднасці і ліквідацыю няроўнасці.  З увядзення палітыкі рэформаў і адкрытасці кітайская эканоміка бурна развіваецца.  Адпаведныя даследаванні сведчаць, што чалавечы капітал адыграе важную ролю ў павышэнні эфектыўнасці кітайскай эканомікі і скарачэнні дыферэнцыяцыі рэгіёнаў Паднябеснай.