11 лютага ў 12.30 у “Чыжоўка-Арэна” ў Мінску адбудзецца ўрачыстая цырымонія адкрыцця XXI гарадскіх спаборніцтваў сярод дзяцей і падлеткаў па хакеі "Залатая шайба" ў малодшай узроставай групе. Арганізатарамі мерапрыемства выступаюць галоўнае ўпраўленне спорту і турызму Мінгарвыканкама, Камітэт па адукацыі Мінгарвыканкама і Мінскі гарадскі камітэт БРСМ.
“Залатая шайба” зноў вызначыць лепшую дваровую хакейную каманду сталіцы. У фінальных гарадскіх спаборніцтвах па хакеі з шайбай прымуць удзел 9 каманд, якія сталі пераможцамі раённых спаборніцтваў. У ліку ганаровых гасцей цырымоніі адкрыцця -- прадстаўнікі Мінскай гарадской арганізацыі БРСМ, упраўлення спорту і турызму Мінгарвыканкама, упраўлення адукацыі Мінгарвыканкама.
"Беркут" з Фрунзенскага раёна пазмагаецца з "Мядзведзем" з Маскоўскага, а вось "Тарнада" з Заводскага раёна сустрэнецца з "Алімпіяй", якая прадстаўляе Першамайскі раён. Неперасягненыя "Грыфоны" пакажа свой спрыт у барацьбе з "Метэорам" з Кастрычніцкага раён.
Адкрые мерапрыемства святочная праграма з прадстаўленнем каманд і сімвалічным укідваннем шайбы.
Гарадскія спаборніцтвы сярод дзяцей і падлеткаў па хакеі "Залатая шайба" на прызы Прэзідэнта Рэспублікі Беларусь праводзяцца ўжо ў ХХІ раз з мэтай паляпшэння фізкультурна-спартыўнай работы, умацавання здароўя і ўключэння моладзі ў заняткі фізкультурай і спортам, папулярызацыі хакея. Выключнае патрабаванне спаборніцтваў -- удзел толькі дваровых хакейных каманд.
Сяргей РАСОЛЬКА
Мерапрыемства праводзіцца на добраахвотнай аснове.
Не выявіць ні секунды абыякавасці.