Вы тут

Распрацоўку функцыянальных прадуктаў харчавання абмяркуюць у НАН


14 лютага адбудзецца пасяджэнне Міжведамаснага каардынацыйнага савета па праблемах харчавання пры Нацыянальнай акадэміі навук Беларусі. Удзел у ім прымуць члены савета, кіраўніцтва НАН Беларусі, вядомыя навукоўцы, прадстаўнікі Дзяржстандарту, Міністэрства аховы здароўя, канцэрну "Белдзяржхарчпрам", Мінадукацыі, Мінсельгасхарча і вышэйшых навучальных устаноў нашай краіны.


На пасяджэнні выносіцца тэма “Функцыянальныя прадукты харчавання: навуковыя асновы іх распрацоўкі, вытворчасці і спажывання”. З асноўным дакладам выступіць намеснік генеральнага дырэктара па стандартызацыі і якасці прадуктаў харчавання Навукова-практычнага цэнтра Нацыянальнай акадэміі навук Беларусі па харчаванні, кандыдат тэхнічных навук, дацэнт Алена Маргунова.

Функцыянальныя прадукты харчавання — новы напрамак у сучасных харчовых тэхналогіях. Да іх адносяць харчовыя прадукты сістэматычнага спажывання, якія захоўваюць і паляпшаюць здароўе, зніжаюць рызыку развіцця захворванняў, дзякуючы наяўнасці ў іх складзе функцыянальных інгрэдыентаў. Яны не з'яўляюцца лекавымі сродкамі, але перашкаджаюць узнікненню асобных хвароб, спрыяюць росту і развіццю дзяцей, тармозяць старэнне арганізма. У цяперашні час спецыялістамі Навукова-практычнага цэнтра па харчаванні НАН Беларусі створаны шэраг лінеек функцыянальных прадуктаў харчавання для пажылых людзей, дзяцей, спартсменаў, цяжарных жанчын, тых, хто пакутуе ад захворванняў страўнікава-кішачнага тракта, фенілкетанурыі, цэліякіі і г.д — усяго некалькі сотняў айменняў.

Надзея НІКАЛАЕВА

Выбар рэдакцыі

Грамадства

Успаміны бортмеханіка верталёта пра Афганістан

Успаміны бортмеханіка верталёта пра Афганістан

У лётнай кніжцы Сяргея Пацкевіча — 970 гадзін налёту.