15 студзеня, пятніца

Вы тут

У Гродне вынеслі прысуд дырэктару турыстычнай фірмы


Азартная дырэктар пакарана, служачая банка арыштавана.

У Гродне вынеслі прысуд дырэктару турыстычнай фірмы, якая прайграла грошы кліентаў на спартыўных стаўках. Паралельна вядзецца следства ў адносінах да служачай аднаго з філіялаў банка ў Бераставіцы. Замест папаўнення валютных рахункаў укладчыкаў, яна клала еўра і долары сабе ў кішэню.


Завяршылася судовая справа ў адносінах да 31-гадовай экс-дырэктара турфірмы, якая з мая па жнівень 2018 года атрымала ад гродзенцаў 45 тысяч рублёў за арганізацыю адпачынку. Але многія так і не змаглі паехаць па пуцёўках, бо азартная дырэктар патраціла грошы кліентаў, у прыватнасці, на стаўках у букмекерскіх канторах. Кожны з 15 пацярпелых пазбавіўся сумы ў памеры ад шасціста да васьмі тысяч беларускіх рублёў. Страта пацярпелым пакуль не кампенсавана. Днямі суд Ленінскага раёна Гродна вынес прысуд — пяць гадоў пазбаўлення волі з канфіскацыяй маёмасці.

Яшчэ адну ашуканку 1961 года нараджэння нядаўна затрымалі ў Гродзенскай вобласці. Спецыяліст па аператыўна-касавай рабоце аднаго з філіялаў банка ў Бераставіцы паспрабавала збегчы са значнай сумай грошай. Яе затрымалі, арыштавалі, вядзецца следства.

Як расказаў падчас прэс-канферэнцыі начальнік УУС Гродзенскай вобласці Вадзім Сіняўскі, жанчына пераафармляла банкаўскія валютныя рахункі грамадзян — давала падпісваць законныя дакументы, потым іх падмяняла і выдавала на рукі падробныя. Грошы яна выкрадала і выносіла з банка. Следства выявіла 20 чалавек, якія пацярпелі ад яе махінацый. Агульная шкода склала амаль 202 тысячы долараў і 17 тысяч еўра. Супраць жанчыны заведзена 16 крымінальных спраў. Яшчэ па чатырох справах, шкода па якіх складае 38 тысяч долараў і 2 тысячы еўра, вядзецца праверка.

У сваю чаргу, укладчыкам таксама трэба быць больш пільнымі і адсочваць рух па сваіх разліковых рахунках пры фінансава-валютных аперацыях, нагадваюць праваахоўныя органы.

Маргарыта Ушкевіч

Загаловак у газеце: Растрачвалі грошы кліентаў

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.

Грамадства

Як прайсці тэхагляд ва ўмовах ажыятажу?

Як прайсці тэхагляд ва ўмовах ажыятажу?

«Ахвотных настолькі многа, што скончыліся бланкі».