Вы тут

Міхаіл Мясніковіч сустрэўся з Анджэем Дудай


У рамках афіцыйнага візіту парламенцкай дэлегацыі Беларусі ў Польшчу адбыўся шэраг сустрэч з найвышэйшымі дзяржаўнымі асобамі краіны-суседкі

Магчымасці пашырэння двухбаковага супрацоўніцтва Беларусі і Польшчы абмяркоўваліся ў сераду, 13 лютага, на сустрэчы старшыні Савета Рэспублікі Нацыянальнага сходу Рэспублікі Беларусь Міхаіла Мясніковіча з Прэзідэнтам Польшчы Анджэем Дудай.


Як паведамляе прэс-служба Савета Рэспублікі, прэзідэнт Польшчы падкрэсліў, што ўзровень беларуска-польскіх кантактаў узмацняецца, а таксама іх эфектыўнасць. У сваю чаргу Міхаіл Мясніковіч прапанаваў фарміраваць парадак дня з перспектывай на будучыню, актывізаваць палітычнае, эканамічнае, гуманітарнае супрацоўніцтва.

Бакі падкрэслілі неабходнасць замацавання сістэмных кантактаў на найвышэйшым і высокім палітычным узроўнях.

Абмеркаваны падыходы па больш актыўным інвестыцыйным супрацоўніцтве. Бакі адзначылі важнасць дагавора аб сацыяльным забеспячэнні, які падпісаны ў рамках візіту парламенцкай дэлегацыі Беларусі ў Польшчу і рэгулюе ў інтарэсах грамадзян дзвюх краін пытанні пенсійнага забеспячэння і стажу, выплат у сувязі з інваліднасцю і часовай непрацаздольнасцю, па беспрацоўі. Дакумент дасць магчымасць забяспечыць належны ўзровень сацыяльнай абароны грамадзян у краінах-партнёрах.

Прэзідэнт Польшчы высока ацаніў намаганні Беларусі па прасоўванні міру і бяспекі ў Еўропе і беларускія ініцыятывы ў цэлым.

На сустрэчы з прэм'ер-міністрам Польшчы Матэвушам Маравецкім, якая адбылася ў гэты ж дзень, абмяркоўваліся актуальныя пытанні двухбаковага супрацоўніцтва, магчымасці ўмацавання гандлёва-эканамічных і гуманітарных сувязяў.

У прыватнасці, гаворка ішла аб спалучэнні намаганняў дзвюх краін у развіцці інфраструктурных праектаў, гандлёва-лагістычных хабаў з улікам глабальнай ініцыятывы «Адзін пояс, адзін шлях».

Разгледжаны пытанні эфектыўнасці работы міжурадавай камісіі. Асаблівая ўвага аддадзена інвестыцыйнаму партнёрству. Бакі таксама заявілі аб неабходнасці стварэння рабочай групы па супрацоўніцтве ў электраэнергетыцы.

Міхаіл Мясніковіч адзначыў рост тавараабароту паміж краінамі ў 2018 годзе на 5,3 % у параўнанні з папярэднім годам. Ёсць патэнцыял для далейшага павелічэння аб'ёмаў узаемнага гандлю, дадаў ён.

Перспектывы ўмацавання парламенцкіх сувязяў паміж краінамі абмяркоўваліся на сустрэчы з маршалкам Сената Польшчы Станіславам Карчэўскім.

Беларусь зацікаўлена развіваць супрацоўніцтва з Польшчай на прынцыпах добрасуседства, узаемнай павагі, раўнапраўя і ўзаемнага ўліку інтарэсаў. Вынікі перагавораў і выпрацаваныя падыходы сфарміруюць свайго роду дарожную карту далейшых крокаў па ўзаемадзеянні. У найбліжэйшы час бакі плануюць абмеркаваць праект пагаднення аб міжпарламенцкім супрацоўніцтве.

Міхаіл Мясніковіч праінфармаваў аб дзейнасці польскай дыяспары ў Беларусі. Ён падкрэсліў, што Беларусь — краіна роўных магчымасцяў для ўсіх, незалежна ад нацыянальнай і рэлігійнай прыналежнасці. Адначасова старшыня Савета Рэспублікі выказаў пажаданне, каб і беларуская меншасць у Польшчы адчувала сябе камфортна.

У сваю чаргу Станіслаў Карчэўскі падкрэсліў, што польскі бок падтрымлівае намаганні парламентарыяў Беларусі, накіраваныя на замацаванне пазітыўных тэндэнцый ва ўзаемным гандлі і пашырэнне інвестыцыйнага супрацоўніцтва з Польшчай.

Гатоўнасць садзейнічаць выхаду беларуска-польскіх адносін на больш высокі ўзровень агучвалася і на сустрэчы Міхаіла Мясніковіча з маршалкам Сейма Польшчы Маракам Кухцінскім.

Бакі адзначылі, што за апошнія гады ўдалося істотна прасунуцца наперад у аднаўленні ўзаемнага даверу паміж краінамі, аднак камунікацыі — палітычныя, эканамічныя, гуманітарныя — развіваюцца пакуль слаба.

У польскім Сейме высока ацэньваюць ролю Беларусі як камунікацыйнай платформы для маштабных міжнародных мерапрыемстваў: ПА АБСЕ, Цэнтральна-Еўрапейскай ініцыятывы, Мюнхенскай канферэнцыі па бяспецы. Адзначана, што Беларусь робіць канструктыўны ўклад у агульнаеўрапейскія працэсы.

Маршалак пазітыўна ацаніў прапановы беларускага боку па канкрэтных эканамічных праектах.

Акрамя таго, у рамках візіту спікер верхняй палаты беларускага парламента сустрэўся таксама з міністрам прадпрымальніцтва і тэхналогій, сустаршынёй польскай часткі беларуска-польскай міжурадавай камісіі па эканамічным супрацоўніцтве Ядвігай Эмілевіч, міністрам замежных спраў Яцакам Чапутовічам, старшынёй Нацыянальнай эканамічнай палаты Анджэем Арэндарскім і старшынёй Польскай акадэміі навук Ежы Душыньскім.

Загаловак у газеце: З арыентацыяй на будучыню

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.