Вы тут

У Шумілінскім раёне бытавыя паслугі аказваюць 11 арганізацый


У Шумілінскім раёне бытавыя паслугі аказваюць 11 арганізацый (юрыдычных асоб) і 18 індывідуальных прадпрымальнікаў. Па іх паслугі тутэйшыя могуць прыйсці ў 45 пунктаў. Аддаленыя вёскі прадстаўнікі дзяржаўнай «бытоўкі» абслугоўваюць з выездам на месца па графіку. Для гэтага з мясцовага бюджэту былі выдзелены грошы на набыццё новага аўто «Газель». Летась зарэгістравалі новыя суб'екты гаспадарання: саўну ў фізкультурна-аздараўленчым цэнтры і прадпрымальніка па фотапаслугах.


У Шумілінскім раённым фізкультурна-аздараўленчым комплексе.

Паводле слоў выконваючага абавязкі старшыні райвыканкама Святланы Цімашэнкі, ва ўсіх без выключэння населеных пунктах аказваецца не менш за 11 асноўных відаў бытавых паслуг. Найбольш запатрабаваныя — цырульныя, рытуальныя і фотапаслугі... А наогул у раёне аказваецца 22 віды бытавых паслуг.

У складзе Шумілінскага камбіната бытавога абслугоўвання насельніцтва — Дом быту, чатыры комплексныя прыёмныя пункты і пяць — па аказанні паслуг. Толькі летась прадпрыемства аказала паслуг на 70 тысяч рублёў.

У адным з КПП у аграрным гарадку Светласельскі працуе прыёмшчыца Іна Абраменка. Жанчына, можна так сказаць, «бытавы спецназавец»: прымае заказы, цырульнік, майстар па манікюры, швачка. Людзі да яе цягнуцца, бо заўсёды ветлівая і прафесіянал з вялікай літары. Працуе каля пяці гадоў пасля таго, як выйшла з водпуску па доглядзе дзіцяці.

Паколькі кошт паслуг у глыбінцы параўнальна нізкі, у вёску прыязджаюць нярэдка, каб зрабіць прычоску, і з абласнога цэнтра. Калі на дызелі, дарога займае ўсяго гадзіну.

Што датычыцца пракату, то тут можна ўзяць на пэўны час халадзільнік, пыласос, апырсквальнік і нават мячы! Суразмоўніца растлумачыла, што іх бяруць тыя, хто прыязджае сюды на адпачынак, каб згуляць у футбол. У цёплы час года карыстаецца вялікім попытам і пракат водных веласіпедаў.

Як адзначыў Віктар Бабічаў, дырэктар мясцовага прадпрыемства бытавога абслугоўвання насельніцтва, дзяржаўная «бытоўка» стараецца пашыраць пералік паслуг. У прыватнасці, цяпер можна заказаць і дровы. Добры бізнес зрабілі на вырабе і ўстаноўцы бетонных агароджаў.

Новы аб'ект сацыяльнага прызначэння ў раёне — фізкультурна-аздараўленчы комплекс, у якім ёсць басейн. Тут працуюць тры інструктары. І з першага дня людзі літаральна займалі чэргі, каб запісацца на плаванне. Асабліва ахвотна наведваюць басейн дзеці. Удзельнічаюць паміж сабой у спаборніцтвах. Між іншым, усё больш ахвотных паплаваць не толькі з Шумілінскага раёна, але і з суседняга — Бешанковіцкага. Сюды прыязджаюць
сем'ямі. Летась ва ўстанове пачала працаваць саўна. Расцэнкі вельмі прывабныя: за гадзіну для чатырох наведвальнікаў трэба заплаціць 20 рублёў. Пры гэтым у Віцебску з-за дарагоўлі ўсё меней тых, хто наведвае проста лазні... У ФАК карыстаюцца добрым попытам трэнажорная зала, секцыі, гурткі, у якіх жанчыны могуць падкарэктаваць фігуру. Такім чынам, паслугі для здароўя не горшыя, чым у абласным цэнтры.

Пра тое, як абслугоўваюць насельніцтва прадстаўнікі бізнесу, пра стварэнне новых рабочых месцаў у недзяржаўным сектары эканомікі — у адным з наступных нумароў «МС».

Аляксандр ПУКШАНСКІ

Загаловак у газеце: З Віцебска ў райцэнтр па прыгажосць!

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.