Вы тут

У суботу і нядзелю тэмпература паветра ўдзень складзе 1—8 градусаў цяпла


Тэмпературны фон у першай палове лютага аказаўся на 4—6 градусаў вышэйшым за кліматычную норму.

У выхадныя дні надвор'е ў краіне будзе вызначаць перыферыя антыцыклону з цэнтрам над Балканскім паўвостравам. Таму ў нас чакаецца паступленне не па сезоне цёплых паветраных мас, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ўдзень у вобласці павышанага атмасфернага ціску істотных ападкаў не чакаецца. Толькі пад уплывам франтальнага раздзела ў асобных раёнах пройдуць невялікія ападкі, у асноўным дождж. У асобных раёнах магчымы слабы галалёд, на дарогах месцамі галалёдзіца. Тэмпература паветра ад нуля да плюс 6 градусаў.

У суботу і нядзелю паўднёвыя вятры працягнуць пераносіць у нашу краіну цёплае паветра. Тэмпература паветра ўначы складзе ад мінус 3 да плюс 3 градусаў, удзень — 1—8 цяпла. Па паўднёвым захадзе краіны дасягне плюс 9—10 градусаў. Такі тэмпературны фон больш чым на месяц апярэджвае кліматычную норму і адпавядае апошнім датам сакавіка — пачатку красавіка. Істотных ападкаў не прагназуецца. У начныя і ранішнія гадзіны месцамі чакаюцца туманы. Асобныя ўчасткі дарог застануцца слізкія.

У пачатку наступнага тыдня надвор'е будзе вызначаць у асноўным вобласць павышанага атмасфернага ціску, а ўначы пры праясненнях будзе падмарожваць. У панядзелак будзе без істотных ападкаў. На асобных участках дарог чакаецца галалёдзіца. Тэмпература паветра ўначы складзе ад мінус 1 да мінус 7 градусаў, удзень — ад мінус 3 градусаў да 3 цяпла. Па паўднёвым захадзе краіны будзе цяплей, там уначы чакаецца ад нуля да плюс 3 градусаў, а ўдзень — 4—7 цяпла.

Паводле папярэдніх прагнозаў айчынных сіноптыкаў, у аўторак будзе без істотных ападкаў. На асобных участках дарог чакаецца галалёдзіца. Тэмпература паветра ўначы складзе 1—7 марозу, пры праясненнях па ўсходзе краіны панізіцца да мінус 11 градусаў. Удзень будзе ад нуля да плюс 7 градусаў.

Сяргей КУРКАЧ

Загаловак у газеце: Як ў пачатку красавіка

Выбар рэдакцыі

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.

Грамадства

Каранавірус не стане «чорным лебедзем». Чым адгукнецца СОVІD-19?

Каранавірус не стане «чорным лебедзем». Чым адгукнецца СОVІD-19?

Удзельнікі чарговага пасяджэння праекта «Экспертнае асяроддзе» — «Каранавірус: эканоміка страху» ў прэс-цэнтры БелТА спрагназавалі, якія змены адбудуцца на сусветнай прасторы з-за сітуацыі з СОVІD-19.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра суботнік і цікавую гісторыю кахання.

Грамадства

Гомельскія вучоныя расшыфравалі геном жука-караеда

Гомельскія вучоныя расшыфравалі геном жука-караеда

Каля 80 тысяч гектараў хваёвых лясоў Беларусі за апошнія тры гады пацярпелі ад высыхання — іх пашкодзіў жук-караед.