Вы тут

Фестываль гіганцкіх кітайскіх ліхтароў праходзіць у Мінску


Больш за 25 маштабных кітайскіх светлавых кампазіцый запаліліся ў Дзень усіх закаханых у Цэнтральным батанічным садзе ў Мінску.


Шоу “Фестываль гіганцкіх кітайскіх ліхтароў” было створана на аснове старажытных традыцый Кітая і сучасных тэхналогій. Каля двух тыдняў спецыялісты кітайскай кампаніі “Haitian Culture” ўпрыгожвалі алеі саду да фестывалю разнастайнымі кампазіцыямі ў выглядзе герояў з фальклорных твораў усходняй культуры. Кожная светлавая фігура - гэта вынік працы дзясяткаў майстроў і міні-шэдэўр. 

Трывалы стылёвы каркас майстэрскі накрыты рознакаляровай тканінай і па-майстэрску падсвечаны ўнутры, дзякуючы чаму, нягледзячы на свой немаленькі памер, экспанаты здаюцца абсалютна бязважкімі. Каб сабраць кожную з такіх светлавых скульптур, 14 майстрам спатрэбілася каля 500 дэталяў. Многія з кампазіцый маюць гукавое суправаджэнне, якое дадае рэалістычнасці таму ці іншаму матыву. 

Каардынатар праекта Чжан Вэй адзначыла, што ўся тканіна, канструкцыі былі прывезены з Кітая, каб арганізаваць гэта цудоўнае свята фарбаў. 

Такое ўнікальнае для беларускіх рэалій шоу - свайго роду аналаг старадаўняга свята ліхтароў, які адзначаюць у апошні дзень святкавання кітайскага Новага года. А для мінчукоў гэта не толькі экзатычная атмасфера, напоўненая рамантыкай, але і знаёмства са старажытнай традыцыяй, якой больш за 2 тысяч год. Хоць арганізатары свята адзначаюць, што ў наш час гэтая традыцыя мадэрнізавалася. Старажытныя кітайскія ліхтары ў асноўным былі чырвонага колеру, упрыгожваліся іерогліфамі.

 

Таццяна ТКАЧОВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».