Вы тут

Адкрылася выстава «Сакральная культура Касцёла Беларусі»


У Нацыянальным гістарычным музеі адбылося ўрачыстае адкрыццё выставы “Сакральная культура Касцёла Беларусі”. Каля 250 экспанатаў з архіўных фондаў, прыватных калекцый, а таксама дзеючых касцёлаў  пабачылі ўчора шматлікія наведвальнікі музея, якія пажадалі першымі прычыніцца да святых рэліквій. Экспанаты распавядаюць аб асноўных традыцыях каталіцкага касцёла менавіта нашай краіны, яго багатую гісторыю і культуру. Экспазіція выставы ўнікальная ўжо тым, што ладзіцца ўпершыню, а прадстаўленыя тут арыгінальныя рэлігійныя атрыбуты толькі падкрэсліваюць гэта.


Сярод экспанатаў можна пабачыць лаўку для малітваў,  якую выкарыстоўвалі сёстры-назарэтанкі, расстраляныя нацыстамі ў Наваградку ў 1943 годзе, літургічнае начынне з касцёлаў вёсак Вынішчы і Замосце Слуцкага раёна і шмат іншых рэдкіх экспанатаў. Асобная частка выставы – старажытныя рукапісы, кнігі з фондаў Нацыянальнага гістарычнага музея і Нацыянальнай бібліятэкі, іконы з Нацыянальнага мастацкага музея.

З урачыстым словам перад наведвальнікамі выставы выступіў арцыбіскуп Тадэвуш Кандрусевіч:

– Гэтая выстава мастацтва касцёла – частка, якая ўліваецца ў агульную культуру нашага народа. Народа, які мае велізарную хрысціянскую спадчыну. Гісторыя хрысціянства і касцёла вельмі багатая, аднак гэта не датычыцца толькі мінулага. Гэта і сучаснасць, якая вядзе нас наперад.

Пазнаёміцца з сакральнай культурай Касцёла Беларусі можна ў Нацыянальным гістарычным музеі да 20 сакавіка.

Андрэй САЗОНАЎ

Фота аўтара

Выбар рэдакцыі

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў».

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.