Вы тут

Двое мінчан прынеслі з сабой на дзень нараджэння наркотыкі


Аператыўнымі супрацоўнікамі ўпраўлення па наркакантролі і супрацьдзеянні гандлю людзьмі ГУУС Мінгарвыканкама сумесна з калегамі з Савецкага РУУС былі затрыманы двое мінчан, якія прынеслі з сабой на дзень нараджэння наркотыкі.


Хлопцы 19 і 18 гадоў прыехалі на яго да сяброўкі, якой споўнілася 16 гадоў, паведамілі ў аддзеле інфармацыі і грамадскіх сувязяў ГУУС Мінгарвыканкама. Пры сабе ў 18-гадовага мінчаніна мелася каля аднаго грама гашышу, у 19-гадовага ж было выяўлена каля двух грамаў асабліва небяспечнага псіхатропнага рэчыва «Мефедрон». Апошні растлумачыў праваахоўнікам, што павінен быў падзяліць існуючы наркотык з іншымі ўдзельнікамі свята, у тым ліку і з імянінніцай. Маладыя людзі былі затрыманы аператыўнымі супрацоўнікамі да спажывання наркатычных рэчываў.

18-гадовы хлопец можа быць пакараны пазбаўленнем волі на тэрмін да пяці гадоў. 19-гадовы — на тэрмін да 15 гадоў з канфіскацыяй маёмасці або без канфіскацыі. Абодва з'яўляюцца студэнтамі. Супрацоўнікі міліцыі звяртаюць увагу на той факт, што згаданае мерапрыемства павінна было прайсці без удзелу бацькоў альбо каго-небудзь з дарослых, і нагадваюць бацькам аб арганізацыі вольнага часу сваіх дзяцей.

Сяргей РАСОЛЬКА

Загаловак у газеце: «Экстаз» для імянінніцы

Выбар рэдакцыі

Грамадства

Як у Беларусі трансплантуюць органы

Як у Беларусі трансплантуюць органы

І чаму да нас на аперацыі едуць замежнікі.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.