Вы тут

Гастролі на абмен


У разгар сезона многія калектывы беларускіх тэатраў традыцыйна выпраўляюцца на гастролі. Так, напрыклад, трупа класічнага балета Музычнага дзяржаўнага тэатра гэтымі днямі паказвае пастаноўку «Тытанік» у Літве.


З 28 лютага да 4 сакавіка ўпершыню адбудуцца абменныя гастролі з Вялікалуцкім драматычным тэатрам — гэта значыць, беларускія акцёры прадставяць сваю праграму — пяць спектакляў і два вялікія канцэрты — у Вялікіх Луках (Расія), а нашы гледачы, у сваю чаргу, таксама ўбачаць пяць спектакляў: «Ваўкі і авечкі» паводле Астроўскага, «Базараў» паводле рамана Тургенева «Бацькі і дзеці», узор сучаснай драматургіі — «Гандзі маўчаў па суботах» паводле п'есы Настассі Букрэевай, а таксама сямейны спектакль «Птушка Фенікс вяртаецца дадому» і «Старэйшы сын» паводле Аляксандра Вампілава.

Акрамя таго, у сакавіку Музычны тэатр абмяняецца гастролямі з Рускім драматычным тэатрам Літвы і Калінінградскім драматычным тэатрам, які прывязе на суд беларускай публікі ажно 11 спектакляў, ад класічных пастановак да сучасных камедый.

Ведаў і відовішчаў

З 25 лютага да 3 сакавіка ў Рэспубліканскім тэатры беларускай драматургіі ўжо чацвёрты раз пройдзе Тыдзень беларускай драматургіі «КАНЦЭНТРАЦЫЯ». Сёлета ў яго праграме — шэсць спектакляў і сустрэч з драматургамі, на якіх можна абмеркаваць убачанае, а таксама лекцыя і майстар-клас па напісанні ўласнай п'есы, дыскусія аб сучаснай беларускай драматургіі і ролевыя гульні жывога дзеяння — так званы імправізацыйны тэатр, удзельнікам якога неабходна адыгрываць свае ролі праз дзеянні, а не словы.

Такім чынам, наведвальнікі «КАНЦЭНТРАЦЫІ-2019» змогуць паглядзець спектаклі «Білет на брэсцкі цягнік» (паводле тэксту «Москаў Дрымін Віталя Кавалёва), «Гэта ўсё яна» Андрэя Іванова, «Сіндром Медэі» Юлі Чарняўскай, «А калі заўтра няма?» і «Ціхі шэпат сыходзячых крокаў» Дзмітрыя Багаслаўскага, «Кар'ера доктара Рауса» Віктара Марціновіча. Прычым, як расказалі ў РТБД, для тых, хто хоча паглядзець усе пастаноўкі, прадугледжаны абанемент — яго кошт абыдзецца гледачам танней, чым квіткі на кожны спектакль паасобку.

Вікторыя ЗАХАРАВА

Выбар рэдакцыі

Грамадства

Як уцягнуць у абарачэнне землі, вызваленыя з-пад інвазійных раслін?

Як уцягнуць у абарачэнне землі, вызваленыя з-пад інвазійных раслін?

Гэта паказалі на прыкладзе Мінскага і Валожынскага раёнаў.

Грамадства

Мужчыны расказваюць пра сваё жыццё ў дэкрэце

Мужчыны расказваюць пра сваё жыццё ў дэкрэце

На сямейным фестывалі «ТатаPro» таты, якія вырашылі пайсці ў дэкрэтны адпачынак або раздзяліць яго з жонкай, падзяліліся сваімі гісторыямі і расказалі пра тонкасці дэкрэта.

Грамадства

​Як беларускія вучоныя ствараюць умовы для спартыўных перамог

​Як беларускія вучоныя ствараюць умовы для спартыўных перамог

Спартыўныя дасягненні чалавека прыблізна на 75 % залежаць ад яго генетыкі.