Вы тут

Італьянскі калектыў «Tеnоrеs» выступіў у Мінску і Нясвіжы


У Мінску і Нясвіжы прагучалі старажытныя сардзінскія спевы ў выкананні італьянскага калектыву «Tеnоrеs» — гэта частка культурнай акцыі, прысвечанай беларуска-сардзінскім сувязям, што ўзніклі больш як 400 гадоў таму.


...Як ведаюць многія, знакаміты італьянскі архітэктар Джавані Марыя Бернардоні 13 гадоў свайго жыцця правёў у Беларусі і браў самы непасрэдны ўдзел у будаўніцтве і праектаванні ўнутранага аздаблення адной з жамчужын Беларусі — Нясвіжскага палаца Радзівілаў, а таксама фарнага касцёла і калегіі езуітаў. (У знак удзячнасці і прызнання заслуг першага ў ВКЛ і Польшчы барочнага архітэктара ў 1993 годзе ў Старым парку Нясвіжа быў устаноўлены бюст Джавані Бернардоні). Але па дарозе ў Вялікае Княства Літоўскае архітэктар шмат працаваў на будаўніцтве цэркваў у Італіі — Неапалі, Абруца, Кальяры. Не дзіўна, што сёння менавіта прадстаўнікі італьянскага рэгіёна Сардзінія, які шчыльна супрацоўнічае з нашай краінай у сферы культуры і адукацыі, ініцыявалі культурную акцыю ў гонар свайго славутага земляка.

У прыватнасці, у Нацыянальным гістарычным музеі і Нацыянальным гісторыка-культурным музеі-запаведніку «Нясвіж» даў бясплатныя канцэрты творчы калектыў Tеnоrеs Su Сunsоnu Sаntu Juаnnе dе Thіеsі, які пазнаёміў беларускую публіку са стылем сардзінскіх харавых спеваў — між іншым, у 2005 годзе ён быў унесены ў Спіс нематэрыяльнай культурнай спадчыны ЮНЕСКА як узор унікальнасці і прыгажосці. Акрамя таго, сёння італьянскія спецыялісты па культуры прадставілі ў Нясвіжы фотавыстаўку «Джавані Марыя Бернардоні на Сардзініі», дзе можна ўбачыць работы архітэктара на італьянскім востраве і знайсці іх падабенства з беларускімі гістарычнымі помнікамі, а таксама правялі навуковы семінар аб ролі Бернардоні ў кантэксце культурных сувязяў нашых краін.

Вікторыя ЗАХАРАВА

Загаловак у газеце: Повязь часу ў музыцы... і камені

Выбар рэдакцыі

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.

Грамадства

Як «Звязда» парушальнікаў адпачынку з міліцыяй шукала

Як «Звязда» парушальнікаў адпачынку з міліцыяй шукала

Апошнімі цёплымі дзянькамі многія мінчане стараюцца скарыстацца напоўніцу і па магчымасці адпачыць на прыродзе, хай сабе і ў межах горада.

Культура

Спявак Аляксандр Гелах: Як толькі паступіў, пачаў шукаць работу

Спявак Аляксандр Гелах: Як толькі паступіў, пачаў шукаць работу

Малады тэнар, які прыйшоў у Нацыянальны акадэмічны Вялікі тэатр Беларусі ў 2015-м, звярнуў на сябе ўвагу аматараў оперы адразу.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Танцуй... Пакуль не замужам?