04 снежня, пятніца

Вы тут

Мюнхенская канферэнцыя па бяспецы праходзіць у Германіі з 15 лютага


У адным з самых значных мерапрыемстваў, прысвечаных пытанням ваеннага супрацоўніцтва, удзельнічае і беларуская дэлегацыя.


Рыхтаваўся візіт на канферэнцыю Прэзідэнта Беларусі Аляксандра Лукашэнкі. Арганізатары запрасілі яго прыняць удзел у панэльнай дыскусіі 16 лютага на тэму «Адносіны Усход — Захад» сумесна з Прэзідэнтам Азербайджана Ільхамам Аліевым, Прэзідэнтам Украіны Пятром Парашэнкам, прэм’ер-міністрам Грузіі Мамукай Бахтадзэ, генеральным сакратаром АБСЕ Томасам Грэмінгерам.

«Аднак літаральна ў самы апошні момант узніклі пэўныя часавыя накладкі. У сувязі з неабходнасцю вырашэння важных пытанняў беларуска-расійскіх адносін у ходзе перагавораў з Прэзідэнтам Расійскай Федэрацыі Уладзімірам Пуціным у горадзе Сочы гэтым разам удзел у Мюнхенскай канферэнцыі на ўзроўні Прэзідэнта Рэспублікі Беларусь не з’явіўся магчымым», — паведаміў журналістам прэс-сакратар Міністэрства замежных спраў Анатоль Глаз.

Нашу краіну ў Мюнхене прадставяць пасол Беларусі ў Германіі Дзяніс Сідарэнка і старшыня Камітэта дзяржаўнай бяспекі Валерый Вакульчык.

Мюнхенская канферэнцыя па бяспецы праходзіць ужо 55-ы раз і працягнецца да 17 лютага. Арганізатары мяркуюць, што яна будзе самай маштабнай за ўсе часы: чакаюць да 600 гасцей. Сярод асноўных тэм сустрэчы значацца еўрапейскія праблемы, адносіны заходніх краін і Расіі, палаючыя канфлікты на карце свету. Традыцыйна канферэнцыя з’яўляецца люстэркам таго, як далей будуць развівацца адносіны краін і якіх поглядаў прытрымліваюцца палітычныя эліты. Як лічаць эксперты, гэтым разам асабліва вострымі будуць дыскусіі паміж Германіяй, якая не хоча павялічваць ваенныя выдаткі на абарону, і ЗША з гэтай нагоды. Да таго ж напружанне канферэнцыі дадае і прыпыненне дзеяння Дагавора аб ліквідацыі ракет сярэдняй і меншай далёкасці.

Марыя ДАДАЛКА

Выбар рэдакцыі

Грамадства

«Сацыяльная хвароба». Прастытуцыя ў БССР у часы НЭПа

«Сацыяльная хвароба». Прастытуцыя ў БССР у часы НЭПа

Сярод прыхільнікаў тэорыі вольнага кахання было шмат высокапастаўленых бальшавікоў і бальшавічак.

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.