Вы тут

Вольга Мазуронак перамагла ў марафоне ў Ганконгу


Лёгкаатлетка Вольга Мазуронак заняла першае месца ў марафонскім бегу ў Ганконгу, паведамілі ў прэс-службе Беларускай федэрацыі лёгкай атлетыкі, піша БЕЛТА.


Беларуска прабегла дыстанцыю за 2 гадзіны 26 хвілін і 13 секунд і ўстанавіла рэкорд трасы. 

Папярэдні рэкорд марафонскай трасы ў Ганконгу ў мінулым годзе ўстанавіла Гулумэ Талеса з Эфіопіі (2 гадзіны 29 хвілін 37 секунд). Раней еўрапейскім бегунам перамагчы ў марафоне ў Ганконгу ўдалося ў 2004 годзе. Тады выйграла нарвежская спартсменка Гітэ Карлсшой.

Для Вольгі Мазуронак старт у Ганконгу стаў першым пасля перамогі на чэмпіянаце Еўропы ў Берліне ў жніўні мінулага года. "Правяла прадуктыўныя зборы ў Кеніі, таму форма перад стартам у Ганконгу была добрай. Траса на праведзеным марафоне - адна з самых складаных. На працягу ўсіх 42-х км даводзілася бегчы то ўверх у гару, то ўніз з яе. Таксама пастаянны вецер. Вядома, задаволеная выступам. Упэўненая, што калі б я бегла па іншай трасе з іншым рэльефам, то змагла б устанавіць свой асабісты рэкорд. Выбрала менавіта марафон у Ганконгу для таго, каб добра падрыхтавацца да чэмпіянату свету ў Катары. Вельмі хачу, каб пік маёй формы прыпаў менавіта на сусветны форум у Досе", - пракаментавала свой выступ спартсменка.

Выбар рэдакцыі

Грамадства

Як клетачныя тэхналогіі будуць змагацца з неінфекцыйнымі захворваннямі?

Як клетачныя тэхналогіі будуць змагацца з неінфекцыйнымі захворваннямі?

Больш за 500 пацыентаў прайшлі клетачную тэрапію ў нашай краіне за апошнія гады.

Спорт

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў

Сёння на вяслярным канале ў Заслаўі працягнуліся спаборніцтвы па веславанні на байдарках і каноэ.

Грамадства

Як без рызыкі адпачыць у спёку?

Як без рызыкі адпачыць у спёку?

Вадасховішча Дразды даўно стала ўлюбёным месцам адпачынку тысяч людзей.