Вы тут

Тыдзень беларускай кухні пройдзе ў 60 рэстаранах і кавярнях Мінска


XIX Тыдзень беларускай кухні пройдзе ў Мінску з 25 лютага па 3 сакавіка, паведамілі БЕЛТА ў галоўным упраўленні спажывецкага рынку Мінгарвыканкама.


У гэты перыяд у 60 рэстаранах і кафэ сталіцы наведвальнікам прапануюць пяць страў нацыянальнай кухні.

Прынцып гастранамічнага тыдня - адзіная рэцэптура і кошт незалежна ад тыпу і класа аб'екта. Гэта робіцца для прыцягнення ўвагі гараджан і гасцей сталіцы да страў беларускай кухні, прасоўвання і папулярызацыі нацыянальных кулінарных традыцый.

На гэты раз гасцям прапануюць жур з мясам па цане Br3,5, салату "Журавiны" за Br6,5, фаршаваную свініну па-беларуску з бульбянымі дзелькамі за Br10,5, гачанік з грыбамі за Br8,5, дзьмухаўцы з мядова-журавінавым паліваннем за Br4,5.

У распрацоўцы страў чарговага Тыдня беларускай кухні ўдзельнічаў шэф-повар рэстарана "Сядзіба" Андрэй Ізмайловіч. Арганізатарам конкурсу выступае галоўнае ўпраўленне спажывецкага рынку Мінгарвыканкама.

Выбар рэдакцыі

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.