Вы тут

П'яны шматдзетны бацька з Паставаў угнаў машыну супрацоўніцы райвыканкама


Дзёрзкае злачынства было здзейснена на плошчы Леніна каля Пастаўскага райвыканкама, дзе супрацоўніца ўстановы прыпаркавала свой Citroen. Праз некаторы час яна выявіла, што аўто са стаянкі знікла, і паведаміла пра гэта ў дзяжурную частку міліцыі. Пастаўскім аператыўнікам хапіла менш за гадзіну, каб знайсці згоншчыка і вярнуць аўто уладальніцы, паведамляе sb.by.


Начальнік аддзялення крымінальнага вышуку Пастаўскага РАУС маёр міліцыі Дзмітрый Шыман падзяліўся падрабязнасцямі:

- Зламыснік скарыстаўся тым, што пацярпелая няшчыльна зачыніла дзверы аўтамабіля, пакінуўшы ў ім ключ запальвання і дакументы на транспарт. Гаспадыня прызналася, што паступала так не аднойчы, але не меркавала, чым можа абярнуцца такая бестурботнасць. Мы апавясцілі ўсе ўборы і аб'явілі план «Перахоп». Следча аператыўная група зняла запісы відэаназірання з месца здарэння. Машыну ў горадзе выявіў начальнік РАУС палкоўнік міліцыі Аляксандр Гарус на плошчы Камсамольскай каля крамы «Купалінка». Наш супрацоўнік Яўген Курыловіч затрымаў у ёй жыхара райцэнтра, які і аказаўся галоўным падазраваным. Высветлілі, што менавіта ён скарыстаўся бестурботнасцю ўладальніцы Citroen. На скрадзеным аўто прыехаў да свайго неаднаразова судзімага таварыша, які замяніў яго за рулём і разам яны адправіліся ў краму. Таварыша падазраванага таксама затрымалі, каб вызначыць яго дачыненне да злачынства. Мужчыны абодва знаходзіліся ў стане алкагольнага ап'янення.

Па факце згону ўзбуджаная крымінальная справа супраць бацькі чацвярых дзяцей, які працуе будаўніком. Санкцыі па артыкуле 214 частцы 1 КК РБ прадугледжваюць у тым ліку абмежаванне волі да пяці гадоў, або яе пазбаўленне на той жа тэрмін. Раней падазраваны меў праблемы з законам: быў судзімы за рабаванне, але ўсе судзімасці пагашаны.

Выбар рэдакцыі

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне. 

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».