У крамах Брэста і Гомеля прадаваліся пано са свастыкай, забаронены тавар канфіскавалі, паведамілі ў МУС.
У студзені на вітрынах крамаў ТАА "Еврошоп бел" ў Брэсце і Гомелі пакупнікі маглі бачыць забароненую прадукцыю. У продажы апынуліся дэкаратыўныя пано з выявай герба нацысцкай Германіі часоў Трэцяга рэйха - чорнага арла, які трымае ў лапах вянок са свастыкай. "Такая сімволіка адносіцца да інфармацыйнай прадукцыі, уключанай у рэспубліканскі спіс экстрэмісцкіх матэрыялаў. Увесь забаронены тавар быў канфіскаваны, а ў дачыненні да кіраўнікоў аб'ектаў гандлю складзеныя адміністрацыйныя пратаколы. Мяркуецца, што пано былі прывезены з Кітая", - распавёў начальнік упраўлення ГУБАЗіК МУС Міхаіл Бедункевіч.
У Гомелі суд ужо адбыўся. Загадчыка магазіна прызналі вінаватым у здзяйсненні правапарушэння, прадугледжанага ч.2 арт.17.11 КаАП (распаўсюдзе, вырабе, захоўванні, перавозцы інфармацыйнай прадукцыі, якая змяшчае заклікі да экстрэмісцкай дзейнасці ці прапагандуе такую дзейнасць). Яму трэба будзе заплаціць штраф у памеры Br6,5 тыс.
Суд у Брэсце пройдзе ў бліжэйшы час.
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.