Вы тут

Як выратаваць пакаёвую расліну, у якой жоўкне лісце?


Пажаўценне лісця з'яўляецца адной з першых прыкмет таго, што расліна дрэнна сябе адчувае. Прычыны могуць быць розныя — ад недахопу вільгаці або празмернага паліву да з'яўлення шкоднікаў.


Праверка на стрэс з-за вільгаці

Калі вы заўважылі, што лісце расліны жоўкне, неабходна ўпэўніцца ў адсутнасці прыкмет стрэсу. Найбольш распаўсюджаным стрэсавым фактарам для раслін з'яўляецца занадта вялікая ці занадта малая колькасць вады. Каб даведацца, колькі вільгаці атрымлівае расліна, апусціце палец на 2-3 сантыметры ў яе глебу (не правярайце паверхню глебы, яна звычайна высыхае хутчэй).

Дыягназ: калі глеба на глыбіні 2-3 сантыметраў сухая, то, магчыма, расліна адчувае смагу. Напаіце яе як мага хутчэй і пастарайцеся паліваць больш рэгулярна. А калі глеба на глыбіні 2-3 сантыметраў будзе вельмі вільготнай, то расліна атрымлівае занадта шмат вады. Неабходна ўпэўніцца ў адсутнасці прыкмет гнілі каранёў, напрыклад паху цвілі. Калі ёсць падазрэнне, што расліна пераўвільготнена, адрэгулюйце графік паліву і пастарайцеся перасадзіць яе ў кантэйнер з лепшым дрэнажом.

Шукаем шкодных стварэнняў

Недастатковае ці празмернае ўвільгатненне глебы — найбольш распаўсюджаная прычына пажаўцення лісця. Але калі яна выключана, то, магчыма, вінаватыя шкоднікі. Напрыклад, павуцінныя кляшчы могуць лёгка загубіць расліну.

Звярніце ўвагу на змяненне колеру і формы лістоў. Аглядзіце іх уважліва з абодвух бакоў. Ці ёсць на іх малюсенькія адтуліны і дробныя насякомыя? Павуцінныя кляшчы абцягваюць расліну тонкай павуцінай. А калі заўважылі на лісці расліны пухнаты белы налёт, то вінаватымі могуць быць мучністыя чарвяцы. Паспрабуйце прамыць расліну, абрэзаць пашкоджанае, завялае лісце, а затым апырскайце расліну набытым у краме інсектыцыдным спрэем.

Даць доступ да сонца

Яшчэ адна магчымая прычына, што лісце расліны жоўкне, у тым, што ёй не хапае сонечнага святла. Калі ў вашай кватэры не вельмі шмат натуральнага святла, то, відаць, прыйшоў час для сонечных ваннаў.

Калі расліна стаіць у цёмным куце, разгледзьце магчымасць перасяліць яе ў светлае месца або давайце ёй штодня пару гадзін знаходзіцца на сонцы каля акна. Пры гэтым уважліва назірайце, як яна спраўляецца з пастаянным перасоўваннем, таму што некаторым адчувальным раслінам можа быць цяжка да гэтага прыстасавацца.

Абараніць ад скразнякоў

Многія пакаёвыя расліны з'яўляюцца трапічнымі і, адпаведна, не любяць халоднага надвор'я і скразнякоў. Калі вы трымаеце пальму побач з пастаянна прыадчыненым акном, то не здзіўляйцеся, калі яе лісце пажоўкне.

Падумайце, ці можа расліна застудзіцца, і памятайце, што скразнякі магчымыя не толькі ўзімку. Расліне можа шкодзіць і празмерна актыўны кандыцыянер. Таксама майце на ўвазе, што чым халаднейшае паветра ў кватэры, тым радзей трэба паліваць расліну, таму што вільгаць будзе выпарацца больш павольна. У адваротным выпадку вы яшчэ і затопіце сваю расліну.

Пераканацца, што не галадае

Можна думаць, што расліна атрымлівае ўсе неабходныя пажыўныя рэчывы з глебы, але калі лісце жоўкне, магчыма, гэта паказвае на недахоп пажыўных рэчываў, які перашкаджае фотасінтэзу.

Калі старэйшае лісце на расліне жоўкне, а маладыя лісточкі вырастаюць светла-зялёнымі, гэта можа быць прыкметай дэфіцыту азоту. Шукайце падкормку з гэтым рэчывам і прытрымлівайцеся рэкамендаванай нормы, каб пазбегнуць апёку ўгнаеннем. Пры правільнай колькасці «ежы» расліна зноў стане зялёнай і прыгожай.

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.