Вы тут

Спосаб аднаўлення рухомасці пальцаў рукі распрацавалі вучоныя і медыкі


Унікальную методыку аднаўлення сухажылляў кісці рук распрацавалі супрацоўнікі БДУ і мінскай Гарадской клінічнай бальніцы хуткай медыцынскай дапамогі. Яе аўтарамі з'яўляюцца дацэнт кафедры тэарэтычнай і прыкладной механікі механіка-матэматычнага факультэта БДУ Сяргей  Басякоў і траўматолаг-артапед Гарадской клінічнай бальніцы хуткай медыцынскай дапамогі Антон Петухоўскі.


Методыка прызначана для выкарыстання ў траўматалогіі і артапедыі. Яна дапамагае аб'ектыўна ацаніць стан траўміраванай кісці, неабходнасць правядзення аперацыі, яе вынік, а таксама распрацаваць рэабілітацыйную тактыку.

У цяперашні час у медыцынскай практыцы ацэнка функцый кісці пасля рэканструкцыі сухажылляў заснавана на візуальным аглядзе. Гэты метад неінфарматыўны для прагназавання вынікаў аперацыі.

Новы метад заключаецца ў правядзенні тамаграфічнага даследавання са стварэннем  камп’ютарнай мадэлі сухажыльнага апарата. Сёння дынамічнае мадэляванне кісці пры планаванні або ацэнцы аперацый практычна не выкарыстоўваецца. Вучоны БДУ правёў матэматычны разлік вуглоў павароту фалангаў пальцаў з пашкоджанымі сухажыллямі, вызначыў наколькі магчымае аднаўленне іх згінання пасля траўмы. Методыка дазваляе ўжо на стадыі планавання аперацыі выбраць найбольш эфектыўны спосаб хірургічнага ўмяшання і спрагназаваць ступень вяртання рухомасці пальцаў.

Вынікі распрацоўкі апублікаваныя больш чым у 30 навуковых артыкулах. У бліжэйшы час  плануецца прымяніць методыку на практыцы пры правядзенні аперацый па аднаўленні рухомасці пальцаў рукі.

Надзея НІКАЛАЕВА

Выбар рэдакцыі

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне. 

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».