Вы тут

Макей: павышэнне ролі Беларусі ў свеце - галоўная палітычная задача МЗС


Далейшае павышэнне ролі Беларусі ў рэгіянальнай і сусветнай палітыцы застаецца галоўнай палітычнай задачай Міністэрства замежных спраў. Аб гэтым кіраўнік знешнепалітычнага ведамства Уладзімір Макей заявіў сёння на пашыраным пасяджэнні калегіі МЗС, перадае БЕЛТА.


Фота: архіў БЕЛТА

Уладзімір Макей адзначыў, што для Беларусі 2018 год быў адначасова напружаным і выніковым. Паводле яго слоў, у няпростых знешніх умовах краіна вытрымала курс на забеспячэнне суверэнітэту, правядзенне незалежнай збалансаванай і шматвектарнай палітыкі, развіццё інтэграцыйных працэсаў на еўразійскай прасторы, дыверсіфікацыю знешняга гандлю, умацаванне бяспекі ў рэгіянальным і глабальным маштабах.

«Далейшае павышэнне ролі Беларусі ў рэгіянальнай і сусветнай палітыцы застаецца нашай галоўнай палітычнай задачай на перспектыву», - падкрэсліў міністр.

Ён звярнуў увагу, што па меры таго, як у свеце абвастраецца сітуацыя ў сферы бяспекі, у партнёраў Беларусі, у тым ліку заходніх, мацнее адчуванне своечасовасці і мэтазгоднасці беларускай ініцыятывы аб арганізацыі новага шырокага дыялогу, аналагічнага Хельсінкскаму працэсу. «У 2019 годзе нам неабходна нарошчваць крытычную масу прыхільнікаў гэтай ідэі, настойліва лабіраваць палітычныя эліты, грамадскія структуры, экспертныя супольнасці», - сказаў Уладзімір Макей.

На пасяджэнні калегіі Міністэрства замежных спраў падводзяцца вынікі работы за мінулы год і вызначаюцца задачы на перспектыву з акцэнтам на знешнеэканамічны складнік. У ім прымаюць удзел кіраўніцтва ведамства, паслы Беларусі, прадстаўнікі ўрада і розных міністэрстваў.


Беларусь дакладна выконвае свае абавязацельствы ў стратэгічным партнёрстве з Расіяй.

«Дакладна выконваючы свае абавязацельствы ў рамках стратэгічнага партнёрства з Расійскай Федэрацыяй, Беларусь прадоўжыла ўмацоўваць тэндэнцыю да нармалізацыі адносін на еўраатлантычным вектары», - сказаў Уладзімір Макей.

Паводле яго слоў, актыўна развіваецца таксама палітычны дыялог і супрацоўніцтва з дзяржавамі СНД, краінамі Азіі, Блізкага Усходу, Афрыкі і Лацінскай Амерыкі. Пры гэтым Беларусь нацэлена ў першую чаргу на дыверсіфікацыю знешнеэканамічнай дзейнасці.

«У цэлым задачы на знешнеэканамічным трэку, сфармуляваныя кіраўніком дзяржавы, застаюцца нязменнымі: гэта павышэнне эфектыўнасці знешнеэканамічнай дзейнасці, захаванне традыцыйных рынкаў, выяўленне новых і замацаванне на іх, прыцягненне ў краіну сур'ёзных інвестараў», - адзначыў міністр.

Выбар рэдакцыі

Грамадства

Як у Беларусі трансплантуюць органы

Як у Беларусі трансплантуюць органы

І чаму да нас на аперацыі едуць замежнікі.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.