Вы тут

Байцы маладзёжных атрадаў аховы сталі на адзін дзень ратавальнікамі


«Адзін дзень з МНС». Так называўся вучэбна-метадычны збор, які на базе пажарнай аварыйна-выратавальнай часці № 10 Заслаўя правялі Мінская абласная арганізацыя БРСМ сумесна з Мінскім абласным упраўленнем МНС. Байцы маладзёжных атрадаў аховы правапарадку (МААП) цэнтральнага рэгіёна прайшлі тут своеасаблівы тэст-драйв і на адзін дзень сталі ратавальнікамі. Мерапрыемства прайшло напярэдадні святкавання 15-годдзя руху БРСМ МААП.


Надзяванне баявога адзення, збор і выезд па сігнале «трывога»... Алгарытмы гэтых працэсаў удзельнікам тэст-драйва неабходна было засвоіць вельмі хутка, бо ў выпадку паступлення паведамлення аб пажары ці іншай надзвычайнай сітуацыі хлопцам разам з ратавальнікамі неадкладна трэба было выехаць на месца здарэння. Байцам МААП была дадзена магчымасць праявіць сябе пры ліквідацыі чыгуначнай аварыі з разлівам нафты і нафтапрадуктаў.

Удзельнікаў збору азнаёмілі з тэхнічнымі характарыстыкамі, магчымасцямі тэхнікі і абсталявання ратавальнікаў. Акрамя таго, ім неабходна было выканаць баявое разгортванне і падаць рэчыва для тушэння, падняцца ў акно трэцяга паверха вучэбнай вежы. Адно з самых складаных выпрабаванняў — праходжанне агнявой паласы.

Арганізатары ўпэўнены, што «Адзін дзень з МНС» дапаможа байцам МААП цалкам акунуцца ў атмасферу паўнавартаснага дня ратавальніка, а набытыя навыкі дапамогуць маладым праваахоўнікам Міншчыны не разгубіцца ў любой надзвычайнай сітуацыі і аказаць прафесійную дапамогу тым, хто трапіў у бяду.

У Мінскай вобласці рух МААП аб'ядноўвае 2368 юнакоў і дзяўчат у 85 атрадах.


... і будучымі салдатамі

Абласныя зборы «Прызыўнік-2019» адбыліся нядаўна ў Брэсце на базе вайсковай часці 92616 — 38-й асобнай гвардзейскай дэсантна-штурмавой Венскай Чырванасцяжнай брыгады.

У рамках рэспубліканскай акцыі «Я — служу!» Брэсцкая абласная арганізацыя БРСМ і абласны ваенны камісарыят запрасілі на іх будучых — больш за сто ўдзельнікаў — і цяперашніх салдат.

Моладзь змагла азнаёміцца з традыцыямі часці, распарадкам дня, бытам і асноўнымі вучэбнымі заняткамі сучасных воінаў-дэсантнікаў. Хлопцы паўдзельнічалі ў розных спаборніцтвах: паспрабавалі злажыць парашут, сабраць-разабраць аўтамат, на час надзець сродкі хімаховы. Салдаты, у сваю чаргу, правялі майстар-класы па падшыванні каўнерыка, чыстцы абутку і іншых прамудрасцях армейскага быту.

Фінальным акордам праекта стала канцэртная праграма з уручэннем падзячных лістоў бацькам, узнагароджаннем самых актыўных прызыўнікоў.

Сяргей РАСОЛЬКА

Выбар рэдакцыі

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.