Вы тут

«Белгеадэзія» адкрыла доступ да дзяржаўнай навігацыйнай карты Беларусі


З пачатку лютага дзяржпрадпрыемства «Белгеадэзія» дае доступ усім карыстальнікам сеткі інтэрнэт да дзяржаўнай навігацыйнай карты нашай краіны ў лічбавым фармаце.


Гэта навігацыйная карта складаецца з трох частак: картаграфічнай падкладкі, дарожнага графа і адраснай інфармацыі.

У якасці картаграфічнай падкладкі выкарыстоўваюцца тапаграфічныя карты маштабу 1:100 000 на ўсю тэрыторыю краіны і маштабу 1:10 000 на тэрыторыі асобных гарадоў і пасёлкаў гарадскога тыпу. Дарожная сетка прадстаўлена дарогамі міжнароднага, рэспубліканскага і мясцовага значэння. У базе даных адраснай інфармацыі змяшчаюцца звесткі пра больш чым 120 гарадоў і пасёлкаў.

Картаграфічная падкладка дзяржаўнай навігацыйнай карты ў выглядзе WMS-сэрвісу можа выкарыстоўвацца ў прыкладных геаінфармацыйных сістэмах. Графічная дакладнасць картаграфічнай падкладкі адпавядае патрабаванням, якія прад'яўляюцца да дакладнасці дзяржаўных тапаграфічных картаў маштабаў 1:100 000 і 1:10 000.

У далейшым функцыянал web-сэрвісу дзяржаўнай навігацыйнай карты будзе пашырацца. Так, па адраснай інфармацыі сэрвіс забяспечыць вызначэнне месцазнаходжання аб'ектаў (сэрвіс геакадзіравання), а па дарожным графе сэрвіс дасць магчымасць пракладваць маршруты руху з рознымі крытэрыямі аптымізацыі (навігацыйны сэрвіс).

Будзе пашырацца таксама і пералік населеных пунктаў з адраснай прывязкай, уключаючы і сельскія населеныя пункты.

Сяргей КУРКАЧ

Выбар рэдакцыі

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чакаем смешных гісторый і ад вас!