Вы тут

Дубай першым у свеце ўкарэніць новы від транспарту


Яго распрацавалі беларусы.


Аб гэтым паведамляюць арабскія СМІ са спасылкай на Dubaі Medіa Offіce і афіцыйны сайт правіцеля Дубая.

У ААЭ прайшоў Сусветны ўрадавы саміт. На ім прадстаўнікі 140 краін і міжнародных арганізацый абмеркавалі інавацыі ў галіне навукі, тэхналогій і глабальнага кіравання. У рамках саміту Міністэрства транспарту Дубая правяло прэзентацыю новага праекта Dubaі Sky Pods. Гэта транспартная сістэма эстакаднага тыпу, вядомая як струнны транспарт SkyWay (СкайВэй). Яе распрацавала беларуская кампанія «Струнныя тэхналогіі».

З сістэмай азнаёміўся эмір Дубая Мухамед бен Рашыд аль-Мактум, які адначасова з'яўляецца прэм'ер-міністрам і віцэ-прэзідэнтам Аб'яднаных Арабскіх Эміратаў. Яму паказалі дзве мадэлі струннага транспарту — двухмесны юнібайк і шасцімесны юнікар, якія могуць рухацца з хуткасцю да 150 кіламетраў за гадзіну. Новы від транспарту беспілотны — модулямі кіруе бартавы камп'ютар і аўтаматызаваны цэнтр кіравання.

У арабскіх медыя адзначаюць: гэтая сістэма займае значна меншую плошчу, чым звычайныя транспартныя сістэмы той жа прадукцыйнасці. Яна таксама характарызуецца больш высокай энергаэфектыўнасцю, бо спажывае ў пяць (!) разоў менш энергіі, чым электрамабілі.

Зараз беларускія распрацоўшчыкі праводзяць тэсціраванне рухомага саставу, адаптаванага да блізкаўсходняга клімату, паведамляе інфармацыйная служба ЗАТ «Струнныя тэхналогіі».

Уладзімір Хількевіч

Загаловак у газеце: Юнібайк для эміра

Выбар рэдакцыі

Грамадства

Актрыса Вераніка Пляшкевіч: Захавальнік сямейнай казны — мой муж

Актрыса Вераніка Пляшкевіч: Захавальнік сямейнай казны — мой муж

У сям'і вядомых акцёраў Веранікі Пляшкевіч і Андрэя Сенькіна бытавыя клопаты размеркаваны не зусім традыцыйна.

Грамадства

Барысаўскі мецэнат вяртае роднаму гораду славу культурна-гістарычнага цэнтра

Барысаўскі мецэнат вяртае роднаму гораду славу культурна-гістарычнага цэнтра

Паміж імі 150 гадоў, агульная малая радзіма — Барысаў і любоў да гісторыі.

Грамадства

Пераможцы конкурсу «Сям'я года — 2019» пра галоўнае ў сямейным шчасці

Пераможцы конкурсу «Сям'я года — 2019» пра галоўнае ў сямейным шчасці

Алена і Сяргей Нікалаевы, а таксама іх пяцёра дзяцей усё яшчэ пад уплывам сваёй трыумфальнай перамогі.