Вы тут

Ірына Крыўко стала бронзавым прызёрам чэмпіянату Еўропы


У складаных умовах надвор'я беларуска дапусціла два промахі, але гэта не перашкодзіла ёй падняцца на п'едэстал чэмпіянату Еўропы па біятлоне.


Адзначым, што на міжнародных спаборніцтвах Ірына дэбютавала ў 2009 годзе, гэта быў чэмпіянат свету сярод юніёраў у канадскім Кенмары. Свой першы медаль Ірына разам з Нэляй Нікалаевай і Дар'яй Несцерчык заваявала, заняўшы другое месца ў эстафеце. У сезоне 2010/2011 года Крыўко дэбютавала на этапах Кубка IBU і ў першай жа гонцы зарабіла першыя ачкі, заняўшы 39-е месца ў спрынце. Першы свой медаль на чэмпіянатах Еўропы Крыўко заваявала ў змешанай эстафеце. На этапах Кубка свету Ірына дэбютавала ў сезоне 2011/2012 гадоў. У сезоне 2017/2018 стала другой у мас-старце на этапе Кубка свету ў Анесі. Таксама была ў складзе «залатой» эстафеты на Алімпіядзе-2018, за што атрымала ордэн «За асабістую мужнасць». Зараз Ірына займае 8-е месца ў агульным заліку Кубка свету.

- Да гэтай гонкі я практычна не рыхтавалася, да апошняга не была ўпэўнена, што буду выходзіць на старт, таму што я хварэла і аднавіла трэніроўкі толькі за некалькі дзён да старту чэмпіянату, - сказала Ірына Крыўко. - Трэнер спытаў ці гатовая я, адказала, што паспрабую. Гонка далася мне вельмі цяжка. Вецер з быу рознай сiлы, таму на трэцім агнявым рубяжы прыходзілася рабіць папраўкі.

Узровень турніру ў Раўбічах высокі, але, вядома, на Кубку свету канкурэнцыя ў разы вышэйшая.

Выйграла індывідуальную гонку шведка Ханна Эберг, а другой стала ўкраінка Юлія Журавок.

У чацвер чэмпіянат Еўропы працягнецца змешанымі эстафетамі.

Дар'я ЛАБАЖЭВІЧ

Фота Ганны ЗАНКАВІЧ

Выбар рэдакцыі

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чакаем смешных гісторый і ад вас!