Вы тут

Сёння ДАІ правядзе па ўсёй краіне Адзіны дзень бяспекі дарожнага руху


На гэты раз ён пройдзе пад дэвізам “Ад сумлення не схавацца!” і будзе прысвечаны прафілактыцы здарэнняў, удзельнікі якіх пакідаюць месца ДТЗ.


Супрацоўнікі ДАІ правядуць прафілактычныя акцыі і наведаюць працоўныя калектывы, пры гэтым нагадаюць кіроўцам аб прычынах і наступствах ДТЗ, адказнасці за пакіданне месца ДТЗ.

У 2018 годзе 174 кіроўцы збеглі з месцаў ДТЗ з пацярпелымі. У гэтых аварыях загінулі 25 чалавекі і 157 атрымалі раненні, паведамілі ва УДАІ МУС.

Большасць такіх здарэнняў звязана з наездамі на пешаходаў і адбываецца ў цёмны час сутак у населеных пунктах ці іх наваколлі. Кіроўцы хаваюцца з месца ДТЗ у надзеі, што ім удасца пазбегнуць адказнасці. Але, як паказвае статыстыка, практычна ва ўсіх выпадках, за рэдкім выключэннем, такіх уцекачоў знаходзяць.

Кіроўцы, якія знікаюць з месца здарэння, толькі пагаршаюць сваё становішча. Бо часцяком прычынай ДТЗ становіцца парушэнне правілаў менавіта пешаходам і адказнасць, як адміністрацыйную, так і крымінальную, нясе менавіта пешаход.

Што тычыцца кіроўцы, то нават у выпадку невінаватасці за пакіданне месца ДТЗ яго прыцягваюць да адміністрацыйнай адказнасці ў выглядзе штрафу да 25 базавых велічынь або пазбаўляюць права кіравання на тэрмін да двух гадоў. Але самае важнае -- за свядомае пакіданне чалавека ў небяспечным для жыцця або здароўя стане, кіроўца, які ўцёк з месца ДТЗ, можа быць пакараны па ч. 3 арт. 159 Крымінальнага кодэкса, які прадугледжвае да трох гадоў пазбаўлення волі.

Сяргей РАСОЛЬКА

Выбар рэдакцыі

Грамадства

Як клетачныя тэхналогіі будуць змагацца з неінфекцыйнымі захворваннямі?

Як клетачныя тэхналогіі будуць змагацца з неінфекцыйнымі захворваннямі?

Больш за 500 пацыентаў прайшлі клетачную тэрапію ў нашай краіне за апошнія гады.

Спорт

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў

Сёння на вяслярным канале ў Заслаўі працягнуліся спаборніцтвы па веславанні на байдарках і каноэ.

Грамадства

Як без рызыкі адпачыць у спёку?

Як без рызыкі адпачыць у спёку?

Вадасховішча Дразды даўно стала ўлюбёным месцам адпачынку тысяч людзей.