Беларусь не займаецца тайнай дыпламатыяй, і такой задачы не ставіцца ні перад работнікамі пасольстваў, ні перад ваеннымі аташэ. Аб гэтым заявіў кіраўнік дзяржавы Аляксандр Лукашэнка сёння, адказваючы на пытанне прадстаўнікоў асабовага складу Ваеннай акадэміі, перадае БЕЛТА.
Прэзідэнт падкрэсліў, што цяпер не той час, і трэба працаваць іншымі метадамі. А беларускія дыпламаты за мяжой і ваенныя аташэ ў першую чаргу арыентаваны на развіццё гандлёва-эканамічных адносін.
Кіраўнік дзяржавы нагадаў: у Беларусі няма раздзялення паміж палітычнай і эканамічнай дыпламатыяй, і МЗС курыруе абодва гэтыя напрамкі. "Ёсць у нас і ваенныя аташэ, але не шмат і не ў кожнай краіне, - ваенныя дыпламаты, якія ажыццяўляюць кантакты ў ваеннай сферы", - адзначыў беларускі лідар.
Паводле яго слоў, зразумела, неабходна, наколькі гэта магчыма, бачыць, ведаць, што адбываецца ў той ці іншай краіне. І дыпламаты шэрага дзяржаў, ваенныя аташэ сапраўды займаюцца і разведкай, і шпіянажам, аднак такія задачы ў мірны час перад беларускімі дыпламатамі не ставяцца, запэўніў Аляксандр Лукашэнка. "Калі будзе абвастрэнне, на гэты выпадак у нас дыпламатыя ўзмоцніцца. Можа, і тайная дыпламатыя", - дадаў кіраўнік дзяржавы.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.