Вы тут

У Гродне праходзіць адзін з вядучых праваслаўных фестываляў свету


У ім прымаюць удзел калектывы з Беларусі, Расіі, Украіны, Польшчы, Сербіі, Румыніі, Латвіі і Літвы. За права назвацца найлепшым спаборнічаюць як духоўныя, так і свецкія канкурсанты. Усяго ў конкурснай праграме выступіць 41 калектыў.


Урачыстае адкрыццё ХVІІІ фестывалю адбылося ў абласным тэатры з удзелам заслужанага калектыву Беларусі — Дзяржаўнай акадэмічнай капэлы імя Рыгора Шырмы. Конкурсныя выступленні пройдуць у Свята-Пакроўскім саборы і ў цэнтры культуры.

— Была праведзена вялікая падрыхтоўчая работа, — адзначыў старшыня журы, лаўрэат прэміі «За духоўнае адраджэнне» протаіерэй Андрэй Бандарэнка. — Упершыню за ўсю гісторыю фестывалю была пададзена такая колькасць заявак — амаль 90. Гэта сведчыць аб росце папулярнасці «Каложскага благавеста». Але трэба разумець, што ў царкоўных спевах важнае месца адводзіцца словам, музыка дапамагае духоўнаму ўспрыманню. Такім чынам, у фінал выйшлі менш за палову прэтэндэнтаў.

Па словах дырэктара фестывалю Наталлі Гаплінчык, унікальнай з'явай можна назваць значную колькасць мужчынскіх хораў. Упершыню ў фестывалі выступіць хор Lоgоs з Рыгі, камерны хор «Серафім» з Бялграда, мужчынскі хор з Мінска — усяго восем калектываў. Таксама павялічылася колькасць дзіцячых і юнацкіх хораў.

Начальнік упраўлення культуры Гродзенскага аблвыканкама Алена Клімовіч падчас урачыстага адкрыцця звярнула ўвагу на прыемную навіну. Якраз у канцы мінулага года завяршыліся асноўныя работы па аднаўленні найстарэйшага помніка архітэктуры ХІІ стагоддзя Каложскай царквы, у гонар якой і ўзнікла назва духоўнага мерапрыемства.

А гісторыя конкурсу пачалася ў 2002 годзе і была прымеркавана да 10-годдзя аднаўлення Гродзенскай епархіі. У 2011 годзе фестываль атрымаў статус міжнароднага. Конкурс праходзіць па васьмі намінацыях як для духоўных, так і для свецкіх калектываў.

Маргарыта УШКЕВІЧ

Фота БЕЛТА

Загаловак у газеце: Галасы «Каложскага благавеста»

Выбар рэдакцыі

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.

Грамадства

 Малая гістарычная радзіма — вёска Харобічы на Чарнігаўшчыне. Рэпартаж

Малая гістарычная радзіма — вёска Харобічы на Чарнігаўшчыне. Рэпартаж

Нудна больш не будзе. Гэтую і многія іншыя цытаты з савецкага фільма «Вяселле ў Малінаўцы» падчас паездкі ў госці да жоўта

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.