Вы тут

Агенцтва тэлевізійных навін працягвае праект «Беларусь помніць»


Агенцтва тэлевізійных навін працягвае праект «Беларусь помніць», прысвечаны 75-годдзю вызвалення нашай краіны ад нямецка-фашысцкіх захопнікаў. Гэта серыя відэаролікаў, якія нагадваюць сучасным беларусам пра вядомых і невядомых удзельнікаў Вялікай Айчыннай вайны — тых, хто сваім гераізмам, а часта і цаной уласнага жыцця адстаяў для нашчадкаў мір...


Адметнасць гэтага праекта ў тым, што яго аўтары праз гістарычную рэканструкцыю, праз старыя фотаздымкі, узнагароды, лісты з фронту, нібыта кавалкі мазаікі, паказваюць успаміны асобных сем'яў — з якіх, у рэшце рэшт, складваецца маштабнае пано нашай агульнай памяці пра страшныя падзеі больш чым 70-гадовай даўніны. «У гэтым і была задумка, — згаджаецца куратар праекта, загадчык аддзела крэатыўнага планавання АТН Руслан Туркоў, — паколькі жывых сведак і ўдзельнікаў бітваў Вялікай Айчыннай застаецца ўсё менш, расказаць пра гэтых герояў з дапамогай іх дзяцей, унукаў і праўнукаў, якія разам з прафесійнымі акцёрамі ўзялі ўдзел у здымках і дапамаглі аднавіць пэўныя падзеі. Мы звярнуліся па дапамогу ў ветэранскую арганізацыю, дзе нам падказалі большасць герояў. Таксама пастараліся прадставіць розныя роды войскаў, каб гэтыя ролікі былі цікавыя і разварушылі памяць як мага большай колькасці людзей».

З восені мінулага года ў эфір ужо выйшла 5 ролікаў. Сярод герояў — удзельнік знакамітай бітвы на Курскай дузе танкіст Аляксандр Фень, зусім юная сястра міласэрнасці Зінаіда Корж, ваенурач Аляксандр Ключароў, выпрабавальнік сакрэтнай зброі «кацюша» Аляксей Разанаў, разведчык Мікалай Абядняк, які ў складзе штурмавой групы двое сутак трымаў плацдарм для наступлення асноўных сіл... На чарзе — шостая серыя, для падрыхтоўкі якой здымачнай групе давялося пабываць на ваенным аэрадроме ў Лідзе і аэрадроме ў Баравой, а ўспамінамі пра легендарнага лётчыка Леаніда Бяду падзяліўся яго сын, таксама Леанід. Усяго ж у праекце будзе 10 ролікаў-успамінаў.

Вікторыя ЦЕЛЯШУК

Загаловак у газеце: Памяць — жывая

Выбар рэдакцыі

Палітыка

Як галасавалі рэгіёны на выбарах Прэзідэнта

Як галасавалі рэгіёны на выбарах Прэзідэнта

Расказваюць нашы карэспандэнты.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.