Вы тут

Нарвежац выйграў спрынт чэмпіянату Еўропы па біятлоне


Самым хуткім у мужчынскім спрынце аказаўся нарвежскі біятланіст Тар’е Бё, сярэбраным прызёрам стаў Еспер Нэлін са Швецыі, замкнуў прызавую тройку расіянін Дзмітрый Малышка.


— Не скажу, што для мяне гэтая гонка стала ідэальнай, — адзначыў Дзмітрый на прэс-канферэнцыі. — Ды і хуткасць з-за падзення ўпала. Адным словам, ёсць над чым працаваць, каб максімальна наблізіцца да добрага выніку.

Найлепшым з беларусаў у спрынце стаў Сяргей Бачарнікаў, паказаўшы добрую хуткасць і дапусціўшы адзін промах на стральбе. Беларус аказаўся на пятым месцы, што вельмі важна перад гонкай пераследу.

— У мяне засталіся добрыя ўражанні ад гэтай гонкі, атрымалася паказаць годны вынік, — адзначыў Сяргей. — Дзень за днём атрымліваецца выступаць усё лепш. Пры падтрымцы такіх трыбун усё атрымліваецца класна. Заўтра, думаю, будзе яшчэ цікавей, будзе барацьба. У спрынце я зрабіў усё, што мог, працаваў на максімуме, таму не аб чым не шкадую. Беларуская каманда цяпер у вельмі добрай форме, мы зрабілі патрэбную працу і падрыхтаваліся да гэтага старту. Будзем змагацца да канца тут і на чэмпіянаце свету.

Сяргей таксама адзначыў, што яму было б цікава выступіць у мас-старце, але яго ў праграме чэмпіянату Еўропы няма.

— Улічваючы трасу Эстэрсунда, дзе пройдзе чэмпіянат свету, трэба пакінуць сілы на сакавік. Адзначу, што падтрымліваць форму заўсёды прасцей, чым яе набіраць.

Астатнія беларусы размясціліся за межамі 20-кі наймацнейшых. 22-м стаў Антон Смольскі, 32-м — Максім Варабей, 34-м — Уладзімір Чапелін, 35-м — Раман Ялётнаў, 59-м — Мікіта Лабастаў.

— Сёння я задаволены сваім фізічным станам, бегчы было лёгка, лыжы ехалі добра, — расказвае Антон Смольскі. — Трыбуны падтрымалі, хацелася б лепш адстраляцца. Калі параўноўваць з індывідуальнай гонкай, мне было больш камфортна, у сераду траса была цяжкая і ветравая абстаноўка складаная. Сёння надвор’е практычна ідэальнае для біятлона.

Дар’я ЛАБАЖЭВІЧ

Фота Ганны ЗАНКАВІЧ

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.