Вы тут

Спаборніцкую праграму суботы завяршыў жаночы спрынт


Перамогу ў гонцы чэмпіянату Еўропы святкавала шведка Мона Брорсан. Сярэбраны медаль заваявала расіянка Кацярына Юрлава-Перхт, а бронзавым прызёрам стала яшчэ адна шведка Хана Эберг.


Беларускія біятланісткі не змаглі трапіць у дзесятку наймацнейшых. Ірына Крыўко спынілася на 11-й пазіцыі. «Гонка была дрэнная для мяне, больш падрабязныя высновы буду рабіць пазней, пасля яе аналізу з трэнерамі», - адзначыла Ірына.

Дынара Алімбекава стала 19-й. «Ці думала я пра ўзнагароды сёння? Напэўна, няправільна выходзіць на старт і чакаць медаль, трэба выходзіць і выконваць сваю работу якасна, выразна, а потым ужо разлічваць на высокія пазіцыі, - расказала Дынара. - Для таго, каб перамагаць, трэба чыста страляць і хутка бегчы, у мяне сёння не было ні таго ні іншага. Не ведаю, што здарылася, чаму я мазала, здаецца, рабіла ўсё правільна. Першыя кругі ў мяне заўсёды атрымліваюцца вельмі хуткімі, а потым ужо як пойдзе. У «Раўбічах» зрабілі новую дыстанцыю, новыя кругі, таму гэта як быццам і не дамашні стадыён».

На пытанне ці рэальна змагацца заўтра за п'едэстал, Дынара адказала: «Гонка пераследу непрадказальная, ды яшчэ з такім ветрам. Нават лідары не спраўляюцца са стральбой, таму складана загадваць, але будзем змагацца. Такое складанае стрэльбішча дазволіць нам адпрацаваць навыкі перад чэмпіянатам свету».

Ірына Кручынкіна стала 39-й, яе сястра Алена – 42-й, Дар’я Юркевіч заняла 46-е месца.

Заўтра апошні спаборніцкі дзень чэмпіянату Еўропы па біятлоне 2019 года. Спартсмены выйдуць на старт гонак пераследу.

Дар'я Лабажэвіч

Фота Ганны Занкавіч

Выбар рэдакцыі

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.