У суботу ў «Раўбічах» стартаваў трэці этап Кубка свету па лыжнай акрабатыцы. Беларусь прадставілі чатыры дзяўчыны і сем мужчын.
У жаночай частцы спаборніцтваў ніхто з айчынных фрыстайлістак не змог прайсці ў фінал. Чэмпіёнка свету Аляксандра Раманоўская выступала на гэтых спаборніцтвах з тэмпературай, магчыма, менавіта таму дапусціла найгрубейшую памылку пры прызямленні. Спартсменцы не ўдалося пазбегнуць падзення.
- Будзем разбірацца, дэталёвы аналіз яшчэ наперадзе, але калі рэальна казаць, вядома, разлічвалі на трапленне ў фінал Сашы Раманоўскай, - адзначыў галоўны трэнер зборная Мікалай Казека. - Але яна, на жаль, выдатна адскакала размінку, але хацелася ж яшчэ лепш зрабіць…Сарвала скачок і, на жаль, не трапіла ў фінал. А маладыя дзяўчаты яшчэ не гатовыя да такога ўзроўню канкурэнцыі, у іх праграмы слабенькія, але гэта наша будучыня, будзем чакаць.
Адзначым, што для Аляксандры Раманоўскай на гэтым розыгрыш Кубка свету завершаны, у фінальных этапах прымаць удзел яна не будзе, бо адправіцца на Універсіяду.
У мужчынскіх спаборніцтвах у фінал з беларусаў прабіўся толькі Антон Кушнір, які ў суперфінале паказаў скачок вялікай складанасці. Расіянін Максім Бураў скокнуў такую ж камбінацыю, суддзі ацанілі яго на пару балаў вышэй, чым беларуса. Такім чынам, беларускі алімпійскі чэмпіён упершыню ў сезоне падняўся на п'едэстал Кубка свету.
- Вядома, хацелі першае месца, невялікая памылачка пры прызямленні перашкодзіла Антону. Ён увесь час быў побач з п’едэсталам, але ніяк не трапляў на яго, выдатна, што дома гэта ў яго атрымалася, - расказаў Мікалай Казека.
Дар'я ЛАБАЖЭВІЧ
Фота Ганны ЗАНКАВІЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
