Вы тут

Цырымонія закрыцця ЧЕ па біятлону адбылася ў «Раўбічах»


Цырымонія закрыцця адкрытага чэмпіянату Еўропы па біятлоне адбылася сёння ў рэспубліканскім цэнтры алімпійскай падрыхтоўкі па зімовых відах спорту "Раўбічы", паведамляе БЕЛТА.


Па выніках спаборніцтваў былі разыграны 8 камплектаў узнагарод. Першае месца ў медальным заліку ў зборнай Швецыі, у актыве якой тры залатыя, два сярэбраныя і адна бронзавая ўзнагароды. Біятланісты Расіі сталі другімі (2 +2+1), на трэцім месцы Нарвегія (2+1+2). Беларусь з трыма ўзнагародамі на пятай пазіцыі.

Віцэ-прэзідэнт Міжнароднага саюза біятланістаў (IBU) Івар Лехатан на цырымоніі закрыцця падзякаваў арганізатарам правядзення турніру, які на працягу пяці дзён карыстаўся папулярнасцю ў балельшчыкаў, якія запоўнілі трыбуны стадыёна.

Міністр спорту і турызму Сяргей Кавальчук адзначыў, што для Беларусі ацэнка правядзення чэмпіянату вельмі важная. "Біятлон - адзін з самых папулярных відаў спорту, у якім ёсць традыцыі, шматразовыя алімпійскія чэмпіёны, але самае галоўнае ёсць балельшчыкі, якія так шчыльна запаўнялі трыбуны спарткомплексу. Ацэнка Міжнароднага саюза біятланістаў для нас важная, бо Беларусі трэба будзе прыняць яшчэ этап Кубка свету ў 2022 годзе. На чэмпіянаце Еўропы нам удалося справіцца з умовамі надвор'я, падрыхтаваць і лыжню, і комплекс па самым высокім стандартам. Адзначу і дасягненні беларускіх біятланістаў. Асабліва мяне парадавала мужчынская каманда, якая падбіраецца да прызавых месцаў. Чакаем ад нашых страляючых лыжнікаў поспехаў ужо ў Эстэрсундзе, дзе ў сакавіку пройдзе чэмпіянат свету", - сказаў Сяргей Кавальчук.

Выбар рэдакцыі

Грамадства

Атракцыёны рыхтуюцца да лета. Што робіцца, каб каруселі былі бяспечныя

Атракцыёны рыхтуюцца да лета. Што робіцца, каб каруселі былі бяспечныя

Сярэдзіна красавіка — час, калі сталічныя паркі рыхтуюцца да масавага наведвання. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце. 

Эканоміка

На «ТІБО-2019» Белпошта паказала новыя тэхнічныя цікавінкі

На «ТІБО-2019» Белпошта паказала новыя тэхнічныя цікавінкі

Якія неўзабаве ўвойдуць у прафесійны побыт.

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!