Вы тут

Ці страшны «гендар»?


Дасягненне гендарнай роўнасці ў Беларусі — працэс, шчыра кажучы, неадназначны. Многія і сёння думаюць, што гэта выключна еўрапейскі вопыт, які не мае дачынення да нашай краіны. І ўсё ж у беларускім грамадстве і дзяржаве наспела неабходнасць прыцягваць мужчын і хлопчыкаў да прасоўвання гэтых ідэй.


Сёння неабходна разбіць стэрэатып аб тым, што сям'я — гэта клопат жанчыны. Тым не менш гендарная палітыка Беларусі — гэта палітыка не ў інтарэсах жанчын, а палітыка раўнапраўя, роўных магчымасцяў мужчын і жанчын. Пра гэта гаварылі на рэгіянальным форуме ЮНФПА «Далучэнне мужчын і хлопчыкаў да прасоўвання роўнасці» Іаана Казана-Вішнявецкі, пастаянны каардынатар ААН у Беларусі, і Валерый Кавалькоў, намеснік міністра працы і сацабароны і член Савета па ўстойлівым развіцці Рэспублікі Беларусь.

— Сёння назіраецца паступовае змяненне ў грамадстве ўспрымання асобы бацькі. Усё больш бацькаў уключаюцца ў пытанні па доглядзе і развіцці дзяцей, гэта пазітыўная тэндэнцыя, — адзначыў ён. — Паспяхова развіваецца праект «Тата-школы», які рэалізуецца нашымі тэрытарыяльнымі цэнтрамі па ўсёй краіне. Павышаецца актыўнасць мясцовых ініцыятыў па святкаванні Міжнароднага дня бацькі.

Па даных даследавання, якое было праведзена ў 2018 годзе па міжнароднай метадалогіі «Пакаленне-гендар», больш за палову мужчын і жанчын адзначылі, што клопат аб доме і дзецях з'яўляецца агульнай задачай. Пазіцыя, што мужчына павінен больш удзельнічаць у выхаванні дзяцей, знаходзіць водгук і на заканадаўчым узроўні: у Працоўны кодэкс нашай краіны будзе ўнесеная папраўка, што наймальнік будзе абавязаны даць бацьку адпачынак на 14 дзён у першыя 6 месяцаў жыцця дзіцяці. Намеснік міністра таксама сказаў, што ў Працоўны кодэкс унесены новы артыкул «дыстанцыйная занятасць», якая дапаможа жанчынам і мужчынам сумяшчаць сямейныя абавязкі і работу.

Гендарны разрыў у нашай краіне паступова скарачаецца. Гэта пацвярджаецца і міжнароднымі рэйтынгамі. Паводле версіі сусветнага эканамічнага форуму 2017 года, Беларусь паднялася ў рэйтынгу гендарнага разрыву адразу на 4 пазіцыі, сёння наша краіна займае 26 месца з 144 краін. Жанчыны ў Беларусі сёння лідзіруюць у такіх абласцях, як узровень адукацыі (у тым ліку сярод занятых у эканоміцы), удзел на рынку працы. У эканоміцы ў Беларусі сёння 52 % жанчын.

Фіёна Гіб, пасол Вялікабрытаніі ў Беларусі, лічыць, што ў пытаннях ліквідацыі хатняга гвалту мы павінны шукаць шляхі вырашэння ў разрыве стэрэатыпаў, якія глыбока ўкараніліся ў грамадстве, што патрабуе сацыяльных змен, а гэта немагчыма зрабіць без прыцягнення мужчын і хлопчыкаў:

— Нядаўна праводзіліся даследаванні датычна ўключэння жанчын у бізнес, павелічэння занятасці. Апыталі жанчын і атрымалі даволі цікавыя вынікі. Многія жанчыны скардзіліся на тое, што яны сутыкаюцца з дыскрымінацыяй: на сайтах пры прыёме на работу ў прыватных арганізацыях прад'яўляюць патрабаванні да знешнасці і ўзросту (бландзінка ад 21 да 35 гадоў).

Пасол упэўненая: для таго каб разбурыць гэтыя стэрэатыпы, трэба, каб людзі разумелі, што можна паводзіць сябе па-іншаму і думаць па-іншаму. Важна, каб мужчыны былі часткай такой гендарнай рэформы. Урад павінен займацца пытаннямі гендарнай роўнасці, гэта неабходна адлюстраваць і ў нацыянальных праграмах навучання.

Начальнік галоўнага ўпраўлення аховы правапарадку і прафілактыкі МГБ МУС, палкоўнік міліцыі Раман Мельнік таксама адзначыў, што гвалт патрабуе актыўнага ўмяшання як з боку дзяржавы, так і з боку грамадства:

— Асабліва ярка падзел па палавой прыкмеце выяўляецца пры аналізе фактаў гвалту ў сям'і. Мужчыны летась склалі 90 % ад усіх абвінавачаных у здзяйсненні злачынстваў у дачыненні да членаў сям'і, у той жа час больш за 80 % пацярпелых — гэта жанчыны і дзяўчынкі. Абсалютная большасць вінаватых у здзяйсненні адміністрацыйных правапарушэнняў у побыце — гэта таксама мужчыны, а пацярпелыя — жанчыны.

Вольга Пралюк

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».