Вы тут

Спецыялісты падатковай галіны аб навінках у рабоце з насельніцтвам


Спецыялісты падатковай галіны расказалі аб навінках у рабоце з насельніцтвам і падзяліліся планамі на будучыню.


Усё па рэгламенце

Начальнік Галоўнага ўпраўлення развіцця падатковых органаў Міністэрства па падатках і зборах Сяргей Шкут паведамляе, што яны плануюць завяршыць распрацоўку рэгламентаў для паслуг.

«У кожным з іх будзе ўстаноўлены час, за які плацельшчык павінен атрымаць тую ці іншую паслугу. Да канца года ў нас з'явіцца 15 такіх рэгламентаў. Ахоплены будуць фактычна ўсе асноўныя працэдуры, якія мы ажыццяўляем у дачыненні да плацельшчыкаў», — растлумачыў ён. Рэгламенты будуць размешчаны на сайце міністэрства.

За мінулы год насельніцтва звярталася ў падатковыя органы па атрыманне 60 паслуг. Самымі запатрабаванымі былі падача падатковай дэкларацыі (40,8 %), растлумачэнне заканадаўства (8,1 %), здача ўнаём жылых і нежылых памяшканняў (6,7 %).

Выразная рэгламентацыя стала магчымай дзякуючы ўкараненню з 2016 года новага фармату зносін падатковых органаў з насельніцтвам — цэнтраў абслугоўвання плацельшчыкаў (ЦАП). Там працуе электронная чарга, што і дало магчымасць прааналізаваць час аказання паслуг, а таксама час чакання кліентаў. Так, паводле звестак міністэрства, у сярэднім плацельшчык стаіць у чарзе да падатковага інспектара 3 хвіліны 28 секундаў, а на абслугоўванне аднаго кліента ідзе 6 хвілін 7 секундаў. Пры ўзнікненні спрэчных сітуацый, а таксама скаргаў на якасць паслуг, бясспрэчным аргументам з'яўляецца аўдыя- і відэазапіс.

Такія цэнтры функцыянуюць у 23 інспекцыях краіны. Сёлета плануецца адкрыць яшчэ 11 цэнтраў.

Будучыня за электроннымі сэрвісамі

Для аказання электронных падатковых паслуг на афіцыйным сайце ведамства створаны і пастаянна ўдасканальваюцца рэсурсы «Асабісты кабінет юрыдычных асоб і ІП», «Асабісты кабінет фізічнай асобы», а таксама дванаццаць адкрытых сэрвісаў.

У раздзеле «Дэкларацыя па падаходным падатку» з'явілася магчымасць атрымаць папярэдне запоўненую падатковую дэкларацыю (так званы праект дэкларацыі) на падставе звестак, што атрымліваюцца падатковымі ад дзяржаўных органаў і арганізацый, ад крыніц за межамі нашай краіны і іншых.

Цікавы раздзел «Папярэдняя рэгістрацыя», які дазваляе запісацца ў інспекцыю на зручны час. Неабходна толькі выбраць адрас, мэту візіту, дату і час, які даступны. Згаданы сэрвіс актуальны для тых інспекцый, у якіх укаранёна паслуга «электронная чарга».

Ёсць і мабільная праграма для тэлефонаў (або планшэтаў) з сістэмай androіd. У ёй можна падаць заяўку на атрыманне дакументаў, запісацца на асабісты прыём да кіраўніцтва інспекцый, атрымаць паведамленне на выплату зямельнага падатку і падатку на нерухомасць.

Сяргей КУРКАЧ

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.