Вы тут

Пяты фестываль «Горад і Кнігі» пройдзе ў Мінску ў красавіку


Гарадскі кніжны фэст для аматараў чытання, які штогод ладзяць Беларуская бібліятэчная асацыяцыя, Навуковая бібліятэка БНТУ і праект «ЗаЧытанне», сёлета пройдзе ў сталіцы 19—20 красавіка.


Як плануюць арганізатары, у гэтым годзе яго спецыяльнымі гасцямі будуць украінская пісьменніца ў жанры падлеткавага фэнтэзі, аўтар серыі «Часадзеі» Наталля Шчэрба, прафесійны мастак-ілюстратар, член Саюза мастакоў Расіі Антон Ламаеў і галоўны рэдактар літаратурнага выдання «Горький» Канстанцін Мільчын. Майстар-класы для мастакоў, блогераў і крытыкаў, чытанні на розных мовах з удзелам вядомых беларускіх артыстаў, літаратурная інтэлектуальная гульня-квіз, адмысловая чайная гасцёўня — агулам у праграме фестывалю больш як 100 разнастайных мерапрыемстваў. Адбудуцца яны па традыцыі на пяці пляцоўках: дзіцячай, маладзёжнай, пляцоўцы экспертных сустрэч, пляцоўцы гучных чытанняў і выстаўцы хэнд-мэйд-герояў сучасных кніг «Усмешлівыя цуды».

Зыходзячы з вопыту мінулых гадоў, «Горад і Кнігі» чакае не менш чым 8000 наведвальнікаў. Каб іх не расчараваць і выканаць усё запланаванае, арганізатары распачалі на пляцоўцы ulej.by краўдфандынгавую кампанію па падтрымцы валанцёрскага фестывалю. У тэрмін да 7 красавіка кожны ахвотны можа далучыцца да спонсараў мерапрыемства і атрымаць не толькі падзяку, але і памятны падарунак. «Мы перакананыя, што ў кожным горадзе мусіць быць кніжны фестываль, і Мінск гэтага дакладна заслугоўвае. Няхай добрыя аўтары і выдавецтвы прыязджаюць да нас усё часцей!» — гаворыць адна з аўтараў і куратараў праекта Вольга ВОЎК.

Вікторыя ЗАХАРАВА

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.