Вы тут

«Цікава было пачуць кампетэнтныя адказы»


Аляксандр КЛІЦУНОЎ, галоўны рэдактар газеты «Витебские вести»:

— Сёння адбылася сапраўды вялікая размова з Прэзідэнтам. Як заўсёды, гутарка была адкрытая, шчырая. Слова «шчырасць» сёння гучала не адзін раз, нават з вуснаў кіраўніка дзяржавы. Размова шмат у чым датычылася пытанняў міжнароднай палітыкі, пачынаючы ад саюзных адносін з Расіяй да пытанняў Венесуэлы, Сірыі. Адносна ўнутранай палітыкі трэба заўважыць, што больш за 2000 пытанняў адрасавалі грамадзяне Аляксандру Лукашэнку. Яны будуць перададзены ў Адміністрацыю Прэзідэнта і стануць асновай для складання чарговага Паслання беларускаму народу і Нацыянальнаму сходу. Таму я ўпэўнены, што пытанні знойдуць сваё адлюстраванне ў адным са знакавых дакументаў. Сімвалічна, што гутарка скончылася на тэме сям'і, дзяцінства, віншавання жанчын з надыходзячым святам 8 сакавіка.

Ігар КАРПЕНКА, міністр адукацыі:

— Самае галоўнае, што дзяржава — гэта велізарны карабель. Дзе ўсё ўзаемазвязана, і кожная галіна звязана адна з адной. Ад таго, як спрацуе эканоміка, як будзе напоўнены бюджэт, так, адпаведна, будзе і расці заробак у той жа бюджэтнай сферы, што таксама немалаважна для сістэмы адукацыі. Зноў жа мы кажам пра якасць падрыхтоўкі спецыялістаў для таго, каб тыя ж галіны эканомікі актыўна развіваліся, каб спецыялісты былі сапраўднымі драйверамі гэтага ўстойлівага эканамічнага росту. Усё ўзаемазвязана, і, напэўна, гэты пасыл быў дастаткова сур'ёзным. І мне падаецца, ва ўнісон гучала тэма пошуку нацыянальнай ідэі, якая б усіх аб'яднала, якая б сапраўды аб'ядноўвала людзей. У сістэме адукацыі, яе канцэпцыі ўстойлівага развіцця ёсць таксама пэўны элемент, які можа легчы ў аснову гэтай нацыянальнай ідэі.

Сяргей СЫРАНКОЎ, першы намеснік начальніка галоўнага ўпраўлення па адукацыі Магілёўскага аблвыканкама:

— Беларусы заўсёды цанілі стабільнасць і ўпэўненасць у заўтрашнім дні, у тым ліку і ў вырашэнні такіх стратэгічных пытанняў, як выстройванне дыпламатычных адносін з Расійскай Федэрацыяй і Еўрасаюзам. Словы Прэзідэнта пра гонку ўзбраенняў і пра тое, што Беларусь ніколі не будзе пагражаць Польшчы вайной, лічу сведчаннем таго, што Рэспубліка Беларусь з'яўляецца сёння гарантам міру і бяспекі. Спадабаўся таксама адказ на пытанне, якім чынам можна павысіць дабрабыт беларусаў. Прэзідэнт параіў проста пачаць працаваць. Гэта вельмі актуальна ва ўмовах сённяшняй самазанятасці.

Алег КАНДРАЦЕНКА, дырэктар ІТ-кампаніі LWO:

— Было шмат важных тэм. Для кожнага яны былі свае, для кожнага яны былі пра набалелае. Яшчэ да з'яўлення ПВТ мы бралі проста рубель, укладвалі ў новы прадукт, распрацоўвалі праграму. І гэты рубель поўнасцю аддавалі на заробкі і на падаткі, дык потым па нашых правілах дагэтуль дзейнічаюць, 18 працэнтаў павінны былі прыплаціць. Гэта значыць, укладваеш 10 мільёнаў долараў і 1,8 мільёна яшчэ зверху. ПВТ самае галоўнае што зрабіў — дазволіў нам па-сумленнаму плаціць падаткі і пры гэтым не сыходзіць у глыбокія мінусы адразу, ствараць прадукт. Таму тое, што трэба, я ўпэўнены, ІТ-галіна не проста адпрацуе, яна яшчэ і зробіць лепш.

Сяргей МАЗАЙЛА, дырэктар тэлерадыёвяшчальнага канала «Гродна Плюс», дэпутат Гродзенскага гарадскога Савета дэпутатаў:

— Першае ўражанне па выніках гутаркі: не было тэмы, аб якой бы нельга было гаварыць, прычым у зале знаходзіліся як прадстаўнікі дзяржаўных, так і недзяржаўных сродкаў масавай інфармацыі, не толькі беларускія.

Другое: Прэзідэнт сам папрасіў, каб гэта былі не адказы на пытанні, а сапраўдная гутарка. На канструктыўныя прапановы, нягледзячы на тое, ад каго яны ішлі, рэагаваў станоўча і тыя, што патрабуюць прапрацоўкі, даручаў кіраўніку Адміністрацыі. Калі я з некаторымі момантамі быў нязгодны, даводзіў контраргументы, даваў тлумачэнні.

Размова не абмяжоўвалася Беларуссю, падчас гутаркі выйшлі на міжнародныя пытанні, закранаючы Грузію, Украіну, Азербайджан і Кітай.

Наталля НОВІКАВА, загадчыца аддзела магілёўскага інфармацыйнага агенцтва «Магілёўскія ведамасці»:

— Такія размовы дазваляюць падымаць праблемы, якія даўно наспелі ў грамадстве і патрабуюць адказу. Зваротная сувязь вельмі важная як для ўлады, так і для простых людзей. І мне імпануе тое, што магчымасць задаць пытанне кіраўніку краіны існуе ў прадстаўнікоў розных слаёў насельніцтва. Апошнім часам людзі сталі вельмі цікавіцца знешняй і ўнутранай палітыкай нашай краіны і суседніх. Грамадзян хвалюе, якое месца на палітычнай карце займае Беларусь у адносінах да Расіі. І Прэзідэнт даў з гэтай нагоды вычарпальны адказ.

Юрый ДОЎНАР, першы намеснік галоўнага рэдактара газеты «Прессбол»:

— Я ўпершыню прысутнічаў на такім мерапрыемстве, але нашу газету часта запрашаюць на такога роду сустрэчы. Было цікава паглядзець на шэраг СМІ, якія прысутнічалі, на калег з Украіны, Расіі, Грузіі. Я прадстаўнік спартыўнага выдання, яно вузкаспецыялізаванае. Але спорт — гэта заўсёды актуальная сфера. Я задаў пытанне Прэзідэнту пра хакей, бо зараз адбываюцца значныя матчы, адзін з іх будзе ў суботу. Цікава было пачуць кампетэнтнае меркаванне кіраўніка дзяржавы.

Фота БЕЛТА

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.