Вы тут

Брэсцкае «Дынама» — уладальнік Суперкубка Беларусі-2019


Першы тытул футбольнага сезона, у якім традыцыйна сустракаюцца паміж сабой пераможцы чэмпіяната і кубка краіны мінулага года, едзе ў Брэст! У яскравым матчы на стадыёне ФК «Мінск», запоўненым пад завязку, брэсцкая дружына пераканаўча перамагла барысаўскі «БАТЭ» — 3:1.


Першы тайм запомніўся перавагай брэсцкага «Дынама» ў валоданні мячом. Брастаўчане не саромеліся прэсінгаваць, часцяком адбіраючы мяч у барысаўчан у цэнтры поля і хутка разгортваючы сваю атаку, што заканамерна вылілася ў забіты мяч. Пад заслону тайма дэбютант брастаўчан Дзяніс Лапцеў літаральна расстраляў вароты і вывеў каманду наперад.

На 48 хвіліне абаронца намінальных гасцей Вераціла знёс у сваёй штрафной нападніка Бояна Дубаіча. Пенальці элегатна рэалізаваў барысаўчанін Эрвейн Мукам.

Але нечым большым сваіх заўзятараў 15-кратны чэмпіён Беларусі парадаваць не здолеў. І пры гэтым сам прапусціў двойчы. На 74 хвіліне Аляксандар Філіпавіч так няўдала пасля кроса з фланга скінуў мяч галавой на свайго галкіпера, што забіў ва ўласныя вароты. Праз яшчэ сем хвілін дынамавец Павел Савіцкі па-майстэрску замкнуў галавой скідку ад партнёра.

Брастаўчане другі раз запар заваявалі Суперкубак Беларусі. Роўна год таму ў матчы з аналагічнай афішай дынамаўцы абыгралі барысаўчан з лікам 2:1. «БАТЭ» пры гэтым застаецца самым тытулаваным клубам турніру. У трафейным пакоі ў іх сем Суперкубкаў. Два апошнія — у Брэста, а ў 2012 годзе трафей паехаў у Гомель.

Дзмітрый СУГАНЯЕЎ, фота аўтара

Выбар рэдакцыі

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску. 

Грамадства

Як у Магілёве, Баранавічах і Чавусах рэалізуецца праект камунальнага кіравання ў гарадах

Як у Магілёве, Баранавічах і Чавусах рэалізуецца праект камунальнага кіравання ў гарадах

Мэта праекта — на прыкладзе трох беларускіх гарадоў паказаць, як можна палепшыць сістэму кіравання гарадской гаспадаркай.

Грамадства

Азбука прафесій: балерына Таццяна Уласень пра кар'еру і сям'ю

Азбука прафесій: балерына Таццяна Уласень пра кар'еру і сям'ю

Разам з 9-гадовай дачкой раскрывае сакрэты.