Вы тут

Над чым неабходна працаваць?


Пасяджэнне Прэзідыума Савета Рэспублікі Нацыянальнага сходу Рэспублікі Беларусь прайшло ў канцы мінулага тыдня пад кіраўніцтвам старшыні Савета Рэспублікі Міхаіла Мясніковіча.


Як паведамляе прэс-служба верхняй палаты беларускага парламента, на пасяджэнні разглядаліся пытанні законапраектнай дзейнасці ў 2019 годзе. З дакладамі выступілі старшыня Пастаяннай камісіі Савета Рэспублікі па заканадаўстве і дзяржаўным будаўніцтве Ала Бодак, старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Аляксандр Папкоў, старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рахманаў.

Як праінфармавала Ала Бодак, план на бягучы год прадугледжвае падрыхтоўку 33 законапраектаў і 1 канцэпцыі законапраекта («Аб страхавой дзейнасці»). Пры гэтым плануецца распрацоўка 10 новых законаў: «Аб правах інвалідаў і іх сацыяльнай інтэграцыі», «Аб дзяржаўнай рэгістрацыі і ліквідацыі (спыненні дзейнасці) суб'ектаў гаспадарання», «Аб самарэгуляваных арганізацыях», «Аб персанальных даных», «Аб ахове і выкарыстанні тарфянікаў», «Аб судова-экспертнай дзейнасці», а таксама чатыры законы «бюджэтнага пакета».

Па прапанове Савета Рэспублікі прадугледжваецца распрацоўка двух законапраектаў на аснове пакетнага прынцыпу, што дасць магчымасць забяспечыць комплекснасць і паўнату прававога рэгулявання грамадскіх адносін. Гэта законапраекты «Аб самарэгуляваных арганізацыях» і «Аб ахове і выкарыстанні тарфянікаў».

Старшыня Пастаяннай камісіі таксама праінфармавала аб падрыхтоўцы законапраектаў, якія павінны быць падрыхтаваны ў мэтах выканання Праграмы сацыяльна-эканамічнага развіцця Рэспублікі Беларусь на 2016—2020 гады, Дэкрэта Прэзідэнта Рэспублікі Беларусь № 7 «Аб развіцці прадпрымальніцтва» і іншых рашэнняў кіраўніка дзяржавы.

Найбольш актуальнымі з'яўляюцца законапраекты, накіраваныя на развіццё прадпрымальніцтва, мясцовага самакіравання, паляпшэнне ўмоў функцыянавання гаспадарчых таварыстваў і ўдасканаленне механізмаў карпаратыўных адносін, інавацыйнай дзейнасці, абыходжання з адходамі, спрашчэнне патрабаванняў у сферы будаўніцтва, рашэнне пытанняў неплацежаздольных прадпрыемстваў, развіццё рынку плацежных паслуг, удасканаленне заканадаўства аб натарыяце і натарыяльнай дзейнасці.

Пастаяннымі камісіямі выпрацоўваюцца заўвагі і прапановы па законапраектах, якія рыхтуюцца, забяспечваецца ўдзел у пасяджэннях рабочых груп і профільных пастаянных камісій Палаты прадстаўнікоў, арганізуюцца круглыя сталы, семінары, пашыраныя пасяджэнні і іншыя мерапрыемствы.

Міхаіл Мясніковіч адзначыў неабходнасць актывізацыі працы над законапраектамі, падрыхтоўка якіх прадугледжана Дэкрэтам № 7. Ён таксама даручыць прааналізаваць, па якіх прычынах адбываецца парушэнне тэрмінаў унясення законапраектаў у Палату прадстаўнікоў.

Выбар рэдакцыі

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў і не туры для экстрэмалаў, а сур'ёзная і карпатлівая штод

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.