Вы тут

Мінпрацы: Зніжэнне ўзроўню заробкаў бюджэтнікаў не дапускаецца


Мінпрацы пракаментавала новую пастанову Саўміна.


Нагадаем, што 18 студзеня 2019 года Прэзідэнтам быў падпісаны Указ № 27 «Аб аплаце працы работнікаў бюджэтных арганізацый», якім вызначаны асноўныя падыходы па комплекснай змене сістэмы. У рамках рэалізацыі гэтага Указа была прынята пастанова Савета Міністраў ад 28 лютага 2019 года № 138 «Аб аплаце працы работнікаў бюджэтных арганізацый».

У Мінпрацы і сацабароны адзначаюць, што змяненне сістэмы аплаты працы работнікаў бюджэтных арганізацый будзе праводзіцца ў межах выдзеленых на гэтыя мэты сродкаў з захаваннем наяўнага ўзроўню заработнай платы кожнага канкрэтнага работніка. У прыватнасці, у адпаведнасці з пунктам 12 Указа, не дапускаецца зніжэнне памераў налічанай заработнай платы работнікаў бюджэтных арганізацый (без прэміі), якія дзейнічалі на момант увядзення новых умоў.

У адпаведнасці з пастановай для аплаты працы работнікаў бюджэтных арганізацый з 1 студзеня 2020 года будзе прымяняцца базавая стаўка ў памеры 180 рублёў і новая 18-разрадная тарыфная сетка.

Базавая стаўка, якая ўстанаўліваецца Саветам Міністраў, будзе рэгулявацца цэнтралізавана, а таксама стане асноўным эканамічным інструментам для вызначэння памераў акладаў (тарыфнай часткі аплаты працы) работнікаў бюджэтных арганізацый.

Памер базавай стаўкі будзе пераглядацца штогод, як правіла, з 1 студзеня, і вызначацца з улікам прагнозу асноўных параметраў сацыяльна-эканамічнага развіцця краіны на адпаведны год.

Таксама ў адпаведнасці з Указам, з 1 студзеня 2020 года ўводзіцца тарыфная сетка з суадносінамі каэфіцыентаў 1-га і 18-га тарыфных разрадаў ад 1,00 да 3,00 і міжразраднай дыферэнцыяцыяй каэфіцыентаў тарыфных разрадаў у сярэднім 6 %.

Размеркаванне работнікаў па прафесійна-кваліфікацыйных групах будзе зроблена ў адпаведнасці з іх працоўнымі функцыямі (улічваючы складанасць і напружанасць працы, адказнасць спецыялістаў), а таксама кваліфікацыйнымі патрабаваннямі, што прад'яўляюцца да іх пасад.

Што датычыцца тарыфнай стаўкі першага разраду і 27-разраднай Адзінай тарыфнай сеткі работнікаў, то з 1 студзеня 2020 года яны страцяць сілу і ў далейшым прымяняцца не будуць.

У цэлым, як адзначаюць спецыялісты, прыняцце пастановы Саўміна № 138 з'яўляецца пачаткам работы па комплекснай змене сістэмы аплаты працы бюджэтнікаў.

Святлана БУСЬКО

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.