Вы тут

Беларусь прыняла ўдзел у Латвійскім кніжным кірмашы


Тры дні творчых сустрэч з пісьменнікамі, прэзентацый і абмену вопытам з прафесіяналамі кніжнай галіны, удзельнікі з васьмі краін свету, больш як 49 прэзентацый, 150 культурных мерапрыемстваў і 16 367 наведвальнікаў — дэбют Беларусі ў Латвійскім кніжным кірмашы аказаўся багатым на ўражанні, прапановы і перспектывы.


«Кожная замежная кніжная выстаўка для нас — гэта не толькі пэўны карысны вопыт, выбудоўванне стратэгіі і планаў развіцця айчыннага кнігавыдавецтва і кнігараспаўсюджвання, але таксама, як бы пафасна гэта ні гучала, прасоўванне Беларусі ў свеце», — адзначыў кіраўнік беларускай дэлегацыі, намеснік міністра інфармацыі Ігар Бузоўскі.

Сёлета Латвійскі кніжны кірмаш, які праходзіў 1—3 сакавіка ў Рызе з удзелам прадстаўнікоў Латвіі, Літвы, Беларусі, Расіі, Украіны, Чэхіі, Германіі і Турцыі, быў спалучаны з так званай школьнай адукацыйнай выстаўкай. Дзякуючы такому суседству на кніжныя стэнды зазірнула маладая публіка, а асаблівую папулярнасць мела адукацыйная літаратура — у прыватнасці, развіваючыя кнігі для дзяцей, кнігі па беларускім фальклоры і культуры наогул, альбомныя выданні. Яшчэ адной цікавінкай выстаўкі для прадстаўнікоў Беларусі стала абмеркаванне абмену паміж навучальнымі ўстановамі розных краін вучэбнай літаратурай у электронным выглядзе.

Экспазіцыю Беларусі наведалі многія прадстаўнікі нацыянальнай дыяспары ў Латвіі. Акрамя таго, у межах кніжнай выстаўкі адбылася перадача чатырох бібліятэчак беларускіх кніг, прыкладна па 220 асобнікаў у кожнай, зацікаўленым структурам. Напрыклад, адну такую бібліятэчку атрымала ў падарунак Рыжская асноўная беларуская школа імя Янкі Купалы, у якой дзеці вучацца на беларускай мове, яшчэ адну — Елгаўскае беларускае таварыства «Лянок», а каля 70 кніжных навінак, якія экспанаваліся на стэндзе, былі перададзены пасольству нашай краіны ў Латвійскай Рэспубліцы. Дасягнутая дамоўленасць аб перадачы да канца года падобнай бібліятэчкі і беларускаму цэнтру Акадэмічнай бібліятэкі Латвійскага ўніверсітэта.

Вікторыя ЦЕЛЯШУК

Загаловак у газеце: Будзем сябраваць кнігамі

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.