Вы тут

Анатоль Ісачанка правёў прыём грамадзян у Дзяржынску


Сем чалавек запісалася на прыём грамадзян, які правёў у Дзяржынску старшыня Мінаблвыканкама Анатоль Ісачанка. Але губернатар выслухаў і тых, хто з’явіўся без папярэдняга запісу. Прычым са сваімі праблемамі да Анатоля Ісачанкі звярнуліся не толькі жыхары Дзяржынскага раёна, але і Мінска.


Пытанні, як заўсёды, тычыліся самых розных тэм: зямельных адносін, прадастаўлення сацыяльнага жылля, экалагічнай абстаноўкі ў сувязі з будаўніцтвам базавай станцыі мабільнага аператара МТС, добраўпарадкавання.

У прыватнасці, жыхарка вёскі Дабрынёва паскардзілася на старшыню мясцовага сельвыканкама, які, паводле меркавання жанчыны, занадта прыдзіраецца да заяўніцы, складае адміністрацыйныя пратаколы за нібыта неналежнае ўтрыманне дваровай тэрыторыі. Яна нават выклікала адпаведную камісію, якая прызнала санітарны стан падворка здавальняючым. Разам з тым на слайдах, якія прадэманстравалі падчас прыёму, было відаць, што двор засмечаны рознай непатрэбшчынай. «Разумею, што магчыма, не хапае грошай пафарбаваць дом, перакрыць дах, але элементарны парадак на сядзібе можна навесці», — рэзюмаваў Анатоль Ісачанка. Кіраўнік цэнтральнага рэгіёна даручыў прадстаўнікам адпаведных службаў яшчэ раз праверыць санітарны стан каля дома.

Жыхарцы Мінска, якой дастаўся бацькоўскі дом у адной з вёсак Дзяржынскага раёна, перашкаджаюць дрэвы, што растуць на мяжы яе ўчастка. Маўляў, у агародзе нічога не расце, бо дрэвы далёка і глыбока пусцілі карані. Заяўніца патрабавала іх спілаваць. «Няхай вучоныя — спецыялісты выедуць на месца і дадуць заключэнне, наколькі дрэвы ўплываюць на ўраджайнасць, ці яны ў аварыйным стане», — даручыў Анатоль Ісачанка. Пасля гэтага можна будзе прымаць меры.

Таццяна ЛАЗОЎСКАЯ

Фота Андрэя САЗОНАВА

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.