Вы тут

Дзень праваслаўнай кнігі адзначылі 7 сакавіка ў Нацыянальнай бібліятэцы


Дзень праваслаўнай кнігі адзначылі 7 сакавіка ў Нацыянальнай бібліятэцы. Мерапрыемства стала традыцыйным і прымеркавана да ўспамінаў аб выданні Францыскам Скарыны першай друкаванай Бібліі на ўсходнеславянскіх землях.


«Давайце звернем увагу на духоўную літаратуру, пачнём яе чытаць, тады мы зразумеем галоўны пасыл нашых святых айцоў — супакойваць душы чалавечыя, даць людзям магчымасць спазнаць Бога ў сваім сэрцы, у самім сабе, а спазнаўшы Бога, мы захочам зрабіць нешта добрае праз справы дабра і міласэрнасці, — сказаў Мітрапаліт Мінскі і Заслаўскі Павел, Патрыяршы Экзарх усяе Беларусі. — Праваслаўная кніга заклікае людзей звярнуць увагу на свой унутраны свет, а ён у нас такі багаты, знакавы, важны, і самае галоўнае, што ёсць у чалавеку — гэта наша душа, каханне. Гэтая думка праходзіць чырвонай ніткай праз усю праваслаўную літаратуру».

Развіццё цікавасці да праваслаўнай кнігі, любові да чытання ў моладзі —асноўныя мэты арганізатараў свята. Імі выступілі — Выдавецкі савет Беларускай Праваслаўнай Царквы, Міністэрства культуры, Міністэрства адукацыі, Нацыянальная бібліятэка Беларусі, Свята-Елісавецінскі манастыр.

Сярод гасцей падзеі — прадстаўнікі органаў улады, духавенства, грамадскіх арганізацый, дыпламатычных місій.

У рамках мерапрыемства разгарнулася экспазіцыя беларускіх праваслаўных выданняў, кніг Выдавецтва Маскоўскай Патрыярхіі Рускай Праваслаўнай Царквы. Акрамя таго Мітрапаліт Павел прыняў удзел у прэзентацыі кніг Патрыярха Маскоўскага і ўсяе Русі Кірыла.

«Я думаю, што кожны, хто дакранаўся да такіх кніг, хто іх чытаў, той разумее: творчасць праваслаўнай думкі заўсёды супакойвае чалавека», — падкрэсліў Мітрапаліт.

У гэтым годзе святкаванне Дня праваслаўнай кнігі звязана са 180-ай гадавінай Полацкага Царкоўнага Сабора.

Мерапрыемствы, прымеркаваныя да Дня праваслаўнай кнігі, праходзяць ва ўсіх епархіях Беларускага Экзархата, у грамадскіх і царкоўных бібліятэках, сярэдніх і вышэйшых навучальных установах краіны, духоўных школах.

Марыя ДАДАЛКА

Фота аўтара

Выбар рэдакцыі

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.