Вы тут

Хакатон для настаўнікаў і прадстаўнікоў ІТ-сферы пройдзе ў Мінску


EduTHON — гэта двухдзённая творчая лабараторыя, падчас якой прафесіяналы са сферы адукацыі і ІТ збіраюцца разам, каб абмяняцца ідэямі, аб'яднацца  па інтарэсах і стварыць карысны прадукт. Гэта можа быць прапанова па рашэнні праблемы ў сферы адукацыі (першыя крокі і канцэпцыя праекта) або тэхнічны адукацыйны прадукт (мабільная праграма, вэб-сэрвіс).


Хакатон  для настаўнікаў — гэта выдатная магчымасць прапампаваць навыкі праектнай дзейнасці, паспрабаваць новы фармат, які можна будзе выкарыстоўваць на занятках, даведацца больш пра інфармацыйныя тэхналогіі і сучасныя прафесіі.

Для прадстаўнікоў ІТ-сферы, якія маюць навыкі праграмавання, хакатон — магчымасць прымяніць на практыцы свае веды і новыя інструменты, падзяліцца карыснымі тэхнікамі з педагогамі. Тэмы, над якімі можна працаваць, ніхто не абмяжоўвае: можна выбраць любую, напрыклад, навыкі ХХІ стагоддзя, павышэнне кваліфікацыі настаўнікаў, сувязь паміж бізнесам і школамі.

Вынікам хакатона і сумеснай працы настаўнікаў і IT-спецыялістаў павінен стаць  прататып будучай праграмы ці ўжо гатовы да запуску мінімальна жыццяздольны прадукт, першая версія праграмы, на якой можна пратэсціраваць ідэю.

Хакатон пройдзе 23-24 сакавіка. Удзел у ім бясплатны. Настаўнікам з іншых гарадоў на час мерапрыемства прадастаўляецца жыллё. 

Мерапрыемства арганізуе Асацыяцыя “Адукацыя для будучыні” пры падтрымцы кампаніі PandaDoc.

 Заяўкі на дзел у хакатоне прымаюцца да 12 гадзін 15 сакавіка. Для ўдзелу трэба запоўніць анлайн-анкету.

Надзея НІКАЛАЕВА

Выбар рэдакцыі

Эканоміка

Прыватны бізнес выбірае Смілавічы

Прыватны бізнес выбірае Смілавічы

У гэтым упэўнілася карэспандэнт, наведаўшы пасёлак.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.