Вы тут

Бескампраміснасць літаратуразнаўцы паводле Дзмітрыя Бугаёва


У кожным прафесійным асяродку шануюць выдатных спецыялістаў, сапраўдных майстроў сваёй справы. Філалагічны факультэт БДУ — сузор’е таленавітых выкладчыкаў і выпускнікоў, сярод якіх адметнае месца займае асоба прафесара Дзмітрыя Бугаёва (1929—2017). Да 90-годдзя з дня нараджэння вядомага крытыка і літаратуразнаўца, лаўрэата Дзяржаўнай прэміі БССР імя Якуба Коласа на філалагічным факультэце БДУ прайшлі навуковыя чытанні, прысвечаныя яго педагагічнай і навуковай дзейнасці.


Дэкан філалагічнага факультэта, доктар філалагічных навук, прафесар Іван Роўда ў слове пра Дзмітрыя Якаўлевіча падкрэсліў талент навукоўца — аўтара 16 манаграфічных прац, шэрагу падручнікаў ды хрэстаматый, якія неаднойчы перавыдаваліся. Выступоўца звярнуў увагу студэнтаў на тое, што геніяльнасць немагчымая без працавітасці. Для творчага ўзлёту вельмі важная гатоўнасць рупліва аддаваць свае сілы абранай прафесіі, як гэта рабіў прафесар Д. Бугаёў. Сімвалічна, што яго кніга менавіта пад назваю «Талент і праца» была адзначана Дзяржаўнай прэміяй.

Намеснік дэкана Павел Навойчык адзначыў смеласць Дзмітрыя Якаўлевіча ў адстойванні прынцыповых пазіцый, у справе вяртання ў літаратурны працэс спадчыны рэпрэсіраваных Уладзіміра Дубоўкі і Максіма Гарэцкага, унёсак у вывучэнне спадчыны Васіля Быкава.

Вучоны сакратар Інстытута мовазнаўства імя Якуба Коласа НАН Беларусі, кандыдат філалагічных навук Вольга Міцкевіч прыгадала час супрацоўніцтва з Дзмітрыем Якаўлевічам, падкрэсліла яго чалавечнасць і далікатнасць — пры тым, што па тэмпераменце прафесар Бугаёў быў чалавекам імгненных рэакцый і бескампрамісных рашэнняў. Ён мог паспрачацца і з лепшым сябрам па навуковых пытаннях.

Кандыдат філалагічных навук, дацэнт Анатоль Верабей распавёў пра кнігі Д. Бугаёва, выдадзеныя ў 2000-х гг.: «Спавядальнае слова», «Служэнне Беларусі», «Жыццём ідучы: З гісторыі беларускай літаратуры і літаратурнай крытыкі».

У час чытанняў прагучалі і цытаты з артыкулаў і даследаванняў Дзмітрыя Бугаёва, і вядомыя эпіграмы на яго. Яскравую прэзентацыю з фатаграфіямі, узорамі ліставання Д. Бугаёва падрыхтавала доктар філалагічных навук, прафесар Людміла Сінькова, якая выступіла мадэратарам навуковых чытанняў.

Удзельнікі чытанняў згадвалі Дзмітрыя Бугаёва як выдатнага педагога — самастойнага і дэмакратычнага, які натхняў студэнтаў любоўю да літаратуры і дбаў пра будучыню айчыннага літаратуразнаўства.

 Юлія ШПАКОВА

Загаловак у газеце: Чалавек імгненных рэакцый

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».