Вы тут

Палярную чайку заўважылі ў Мінску


У мінулую суботу на сажалцы ў раёне Шабаноў у Мінску была адзначана палярная чайка — марская птушка, якая рэдка залятае ўглыб сушы.


Заўважыла новую для краіны птушку Ірына Самусенка — загадчыца лабараторыі арніталогіі Навукова-практычнага цэнтра НАН Беларусі па біярэсурсах. У выхадныя яна рабіла ўлік чаек на сталічных вадаёмах, падчас якога сфатаграфавала сотні гэтых птушак. Пераглядаючы ўвечары здымкі, спецыяліст заўважыла буйную белую чайку. Эксперты па чайках Заходняй Палеарктыкі ўзгаднілі азначэнне віду і нават удакладнілі ўзрост птушкі. Палярнай чайцы каля двух гадоў.

Палярная чайка гняздуецца на скалах на паўночна-ўсходніх узбярэжжах Канады і ў Грэнландыі. Зімуюць птушкі на поўначы Атлантыкі, таксама на Паўночным моры. А вось на Балтыку залятаюць параўнальна рэдка.

Рэдактар сайта «Птушкі штодня», арнітолаг Дзмітрый Вінчэўскі заўважае, што палярная чайка ў Літве адзначалася толькі аднойчы, у 1954 годзе на марскім узбярэжжы, а ў Польшчы ўпершыню адзначаная ў 1974 годзе, з таго часу рэгістравалася 40 разоў, прычым амаль 70 % усіх сустрэч адбыліся на марскім узбярэжжы ці ў партах і пераважна ўзімку.

«Хутчэй за ўсё, птушка трапіла да нас разам з моцнымі заходнімі вятрамі, якія былі на мінулым тыдні, — кажа Ірына Самусенка. — Гэты залёт — яшчэ адно сведчанне кліматычных змен. Чайкі — цікавая і вельмі пластычная група птушак, якая ў апошнія дзесяцігоддзі значна эвалюцыянуе, адаптуецца да змен ва ўмовах жыцця».

Палярная чайка — выпадкова залётны від. Наступны раз птушка можа заляцець у нашу краіну праз год, а можа і праз 50 гадоў. Калі Беларуская арніта-фаўністычная камісія зацвердзіць гэтую рэгістрацыю палярнай чайкі, від стане 334-м у спісе птушак краіны.

Сяргей КУРКАЧ

Выбар рэдакцыі

Грамадства

Асваенне адчужэння. Што паглядзець падчас экскурсіі ў радыяцыйнай зоне?

Асваенне адчужэння. Што паглядзець падчас экскурсіі ў радыяцыйнай зоне?

Ці небяспечныя такія «вылазкі» і колькі яны каштуюць?

Грамадства

Мітрапаліт Павел: Я ўдзячны, што Гасподзь павёў мяне па гэтым шляху

Мітрапаліт Павел: Я ўдзячны, што Гасподзь павёў мяне па гэтым шляху

Уладыка расказаў, чаму з асцярогай упершыню ехаў у Мінск у якасці мітрапаліта.

Калейдаскоп

Вясёлыя гісторыі чытачоў

Вясёлыя гісторыі чытачоў

Добрая жонка і дома рай, а благая — хоць цягу дай

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.