Вы тут

ААТ «Калінінскі»: да юбілею — з красамоўнымі поспехамі*


У маі ААТ «Калінінскі» будзе ўрачыста адзначаць стагоддзе з дня заснавання. Але ж да ўрачыстасцяў трэба правесці сяўбу. Ды і іншыя работы ў полі і на фермах дзеля свята ніхто адмяняць не збіраецца. Пры гэтым, абяцае кіраўнік сельгаспрадпрыемства Віктар БАЙДАЎ, юбілей адзначаць абавязкова — і не забудуць нікога, хто плённа працаваў у гаспадарцы.


— Пасяўная кампанія заўсёды прымушае сабрацца на старце сельскагаспадарчага года, — гаворыць кіраўнік. — Насенне праверана, адсартавана, даведзена да кандыцыі. Увогуле ж па пасяўным матэрыяле пытанняў няма. Ёсць усе неабходныя агрэгаты для сяўбы збожжа, кукурузныя сеялкі, дыскатары, раскідвальнікі арганікі...

З 41 года агульнага працоўнага стажу 18 апошніх Віктар Канстанцінавіч кіруе гэтым прадпрыемствам. У 2000-м прымаў зусім не магутны калгас імя Калініна. Усміхаецца: цяпер вось стаў дырэктарам ААТ «Калінінскі». Назву змяняць не палічылі неабходным. Дарэчы, як і супрацоўнікаў. Лічыць, працаваць трэба з тымі кадрамі, якія дасталіся:

— Я не мяняю спецыялістаў без асаблівай неабходнасці. Калі з людзьмі сыдзешся, яны цябе лепш разумеюць і ты іх таксама. Разам развіваем вытворчасць і разам атрымліваем станоўчыя вынікі.

Ме­ха­ні­за­та­ры Сяр­гей МЕЛЬ­НІ­КАЎ і Мі­ка­лай ВАР­ГА­НАЎ.

Гаспадарка «Калінінскі» вялікая. Звыш 6800 гектараў займаюць сельгаспалеткі. З іх ралля — 5170 гектараў. Плошчы істотна павялічыліся пасля таго, як да прадпрыемства шэсць гадоў таму далучылі саўгас «Івакі». Даўгі, што дасталіся ў спадчыну, ліквідавалі за два гады.

Цяпер гаспадарка мае 5300 галоў буйной рагатай жывёлы. З іх 1400 складае асноўны дойны статак. Летась надаілі 7334 кілаграмы малака ў разліку на адну карову. Сярэднясутачны надой складае 18,9 кілаграма.

Дасягнуць сённяшніх вынікаў вельмі дапамагло будаўніцтва малочнатаварнага комплексу, што ажыццяўлялася згодна з Дзяржаўнай праграмай адраджэння і развіцця вёскі. У «Калінінскім» такі комплекс, разлічаны на 720 галоў, пабудавалі 10 гадоў таму. Гэта дало важны штуршок у развіцці гаспадаркі. Калі на звычайных фермах старога ўзору даярка абслугоўвае 50 кароў, то на новым — 130. Менш людзей задзейнічана ў вытворчасці, зусім іншы падыход да ўтрымання жывёлы.

— Каб аздаравіць жывёл, мы выганяем статак на пашу, — расказвае Віктар Байдаў. — Увогуле ж, кармоў каровам досыць. Таму і атрымліваем максімальную аддачу. 1760 тон сена летась нарыхтавалі і больш за 7 тысяч тон сенажу. Нам дадзена заданне рэканструяваць і пабудаваць 10 сянажных траншэй аб'ёмам 3,5 тысячы тон. Большасць зрабілі летась, а дзве запланаваны на сёлета. Асноўную масу — 38 тысяч тон — складаюць кармы з кукурузы. Між тым выкарыстоўваем і іншыя культуры для таго, каб зрабіць ежу для жывёл карыснай і прадукцыйнай. Летам сеем пайзу. Гэта аднагадовая культура за сезон адрастае 3—4 разы. Другі год сеем свірэпіцу разам з жытам. З яе дадаткам атрымліваецца вельмі добры бялковы сенаж. І ўрэшце павялічваюцца ўдоі.

Пастаяннае абнаўленне тэхнікі таксама сярод прыярытэтаў у ААТ «Калінінскі». Да яе выбару тут падыходзяць вельмі ўважліва. На палетках працуюць імпартныя і айчынныя высокапрадукцыйныя трактары, сеялкі, культыватары, трактары і камбайны.

— Кожны год штосьці купляем, — гаворыць Віктар Канстанцінавіч. Два кормараздатчыкі набылі ўвосень, трактар МТЗ 82, розны прычапны інвентар, касілкі... Калі не будзеш укладацца ў вытворчасць, атрымаеш менш, чым чакаеш.

Бры­га­дзір МТФ «Комп­лекс» Воль­га МА­ЛА­ШАН­КА.

Умовы ў «Калінінскім» ствараюцца не толькі рагулям. Жывёлаводы і аператары машыннага даення маюць зручныя пакоі адпачынку, спецадзенне. На зарплату таксама не скардзяцца. У гаспадарцы сярэдні заробак складае 641 рубель.

— Павялічыць яго да 1000 пакуль не атрымліваецца, — адзначае кіраўнік. — Трэба ж суадносіць рост выручкі і аплаты працы. Зарплата не павінна перавышаць прадукцыйнасць.

— ААТ «Калінінскі» на працягу апошніх пяці гадоў у спісе самых паспяховых гаспадарак Добрушскага раёна. І гэта заслуга ўсяго калектыву прадпрыемства.

Зараз аграномы сельгаспрадпрыемства пільна сочаць за надвор'ем — каб не прапусціць аптымальныя тэрміны сяўбы. Як сыдзе снег, зноў пачнецца вечнае кола сельскагаспадарчых работ. Кірунак — да максімальнага ўраджаю, — гаворыць дырэктар ААТ «Калінінскі» Віктар Байдаў.

Ірына АСТАШКЕВІЧ

УНП 400005794

На правах рэкламы

Выбар рэдакцыі

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.